蘋果日報 | APPLE DAILY
› 選擇地區
三藩市
紐約
洛杉磯
其他美國地區

辣 椒 醬 王 子 【 品 珍 】

黎 昭 鵬 ( 左 ) 創 下 的 辣 椒 王 國 , 將 由 兒 子 黎 定 顯 ( 右 ) 負 責 延 續 。
最後更新: 0804 12:41 / 建立時間 (HKT): 0304 00:00

黎 昭 鵬 與 辣 椒 醬 , 是 一 個 難 兄 難 弟 的 故 事 。
黎 昭 鵬 , 品 珍 醬 園 的 第 三 代 掌 門 人 , 在 家 庭 裏 一 向 不 是 寵 兒 , 也 不 是 父 親 欽 點 的 繼 任 人 。
他 曾 當 過 的 士 司 機 、 揸 過 工 廠 旅 遊 巴 、 做 過 裁 床 師 傅 … … 在 醬 園 , 他 也 是 由 低 做 起 , 送 貨 、 睇 單 、 打 雜 一 腳 踢 。
辣 椒 醬 , 在 品 珍 中 也 從 來 不 是 阿 一 , 長 期 不 受 注 重 。
但 黎 昭 鵬 對 辣 椒 醬 卻 情 有 獨 鍾 , 在 多 年 鍥 而 不 捨 的 改 良 下 , 終 於 闖 出 名 堂 , 成 了 品 珍 旗 下 得 意 之 作 。
今 天 , 品 珍 出 品 的 辣 椒 醬 , 是 新 界 西 北 的 龍 頭 大 哥 , 元 朗 、 屯 門 、 天 水 圍 中 , 有 七 成 酒 樓 都 向 它 取 貨 。
在 澳 洲 的 唐 人 街 , 品 珍 辣 椒 醬 的 市 場 佔 有 率 更 達 八 成 之 多 , 稱 得 上 風 行 海 外 。
黎 昭 鵬 就 像 辣 椒 醬 , 本 來 活 在 一 個 不 受 重 視 的 位 置 , 但 最 後 卻 熬 過 煮 煉 , 憑 真 材 實 料 闖 出 自 家 名 堂 。

百 年 歷 史 老 店

訪 問 由 一 幀 歷 史 檔 案 圖 片 拉 開 序 幕 。 拍 攝 時 間 和 內 容 , 是 十 九 世 紀 末 期 , 晚 清 時 代 香 港 中 區 威 靈 頓 街 的 景 象 , 照 片 中 不 少 人 的 腦 後 還 拖 住 一 條 髮 辮 , 摩 肩 接 踵 , 人 來 人 往 , 正 在 街 市 內 買 賣 果 菜 雜 貨 , 道 路 兩 旁 的 招 牌 直 直 垂 掛 , 酒 家 、 雜 貨 、 醬 園 … … 就 在 左 手 邊 的 較 低 矮 的 一 列 招 牌 掩 映 中 , 有 兩 個 熟 悉 的 中 文 字 赫 然 映 入 眼 簾 ︰ 品 珍 。
「 呢 張 相 而 家 由 政 府 保 存 , 好 耐 之 前 有 一 個 記 者 打 電 話 俾 我 哋 , 話 喺 呢 張 相 入 面 發 現 我 哋 個 招 牌 。 」 黎 昭 鵬 說 。
時 為 1898 年 , 順 德 人 黎 仁 山 在 華 人 聚 集 的 威 靈 頓 街 , 接 手 經 營 品 珍 醬 園 , 一 嘗 做 小 老 闆 的 滋 味 。 「 阿 爺 廿 幾 歲 就 由 順 德 落 香 港 , 喺 品 珍 醬 園 搵 到 份 工 , 邊 做 邊 學 , 後 來 老 細 話 冇 興 趣 , 阿 爺 就 接 手 搞 落 去 ! 」 黎 昭 鵬 憶 述 。
年 輕 的 黎 仁 山 , 本 身 並 非 釀 製 醬 油 高 手 , 他 主 要 負 責 管 數 找 生 意 , 產 品 質 素 則 由 一 班 來 自 福 建 的 師 傅 專 門 負 責 。 福 建 豉 油 的 特 點 是 豉 味 香 濃 , 品 珍 出 品 的 豉 油 憑 住 質 佳 味 濃 , 不 久 生 意 漸 漸 上 軌 道 。 黎 仁 山 於 是 細 鋪 搬 大 鋪 , 生 意 愈 做 愈 好 。 1937 年 , 年 事 漸 高 的 黎 仁 山 將 生 意 交 給 兒 子 黎 君 焯 打 理 , 其 間 雖 然 經 歷 香 港 淪 陷 、 兩 次 暴 動 等 劫 難 , 最 後 仍 能 維 持 經 營 , 至 今 品 珍 已 是 香 港 歷 史 最 悠 久 的 醬 園 之 一 。
「 以 前 啲 醬 園 好 鍾 意 用 個 珍 字 做 名 , 意 謂 醬 油 點 珍 饈 咁 解 。 香 港 醬 園 界 有 所 謂 五 珍 , 即 品 珍 、 八 珍 、 同 珍 、 美 珍 、 冠 珍 , 而 家 全 部 仲 喺 度 。 」 黎 昭 鵬 如 數 家 珍 的 說 。

我 的 辣 椒 兒 子

「 食 豉 油 , 邊 隻 好 , 梗 係 品 字 牌 鮮 抽 王 真 正 好 , 營 養 高 , 味 道 鮮 , 價 錢 呢 ? 最 公 道 。 」 年 過 三 十 的 讀 者 , 對 於 這 首 七 十 年 代 家 喻 戶 曉 的 廣 告 歌 , 也 許 仍 有 印 象 。 黎 昭 鵬 的 父 親 黎 君 焯 , 當 年 就 利 用 這 首 廣 告 歌 , 把 品 珍 旗 下 的 品 字 牌 鮮 抽 王 唱 到 街 知 巷 聞 , 而 品 字 牌 的 鮮 抽 王 亦 憑 着 豆 香 味 鮮 、 價 錢 平 , 受 到 用 家 歡 迎 。
豉 油 , 彷 彿 就 是 品 珍 的 招 牌 貨 , 就 是 一 哥 。 但 原 來 在 豉 油 之 外 , 品 珍 有 一 門 產 品 , 卻 一 直 在 默 默 耕 耘 , 在 不 為 人 注 意 的 情 況 下 , 開 墾 出 一 片 沃 土 。
「 嗱 ! 六 七 十 年 代 就 最 興 呢 隻 辣 椒 醬 , 酒 樓 茶 芥 梗 有 一 碟 , 大 排 檔 食 麵 , 都 一 定 有 支 擺 喺 度 , 跟 住 才 輪 到 辣 椒 油 、 桂 林 辣 椒 醬 , 後 來 興 食 潮 州 粉 麵 、 潮 州 粉 果 , 就 到 潮 州 辣 椒 油 威 嘞 , 而 家 啲 人 口 味 又 變 濃 咗 , 至 有 蒜 蓉 辣 椒 醬 同 XO 醬 啫 … … 」
甫 坐 下 , 黎 昭 鵬 便 一 輪 嘴 先 給 記 者 上 一 課 香 港 辣 椒 醬 演 變 史 。 「 我 老 竇 以 前 唔 係 咁 注 重 辣 椒 醬 , 但 現 時 它 卻 變 成 品 珍 的 招 牌 貨 。 」
一 講 辣 椒 醬 , 黎 昭 鵬 便 滔 滔 不 絕 。 這 又 難 怪 , 祖 父 奠 定 醬 油 品 牌 基 礎 , 父 親 利 用 廣 告 將 鮮 抽 王 唱 到 街 知 巷 聞 , 作 為 第 三 代 傳 人 , 除 了 要 守 住 先 輩 建 立 的 功 勳 外 , 為 自 己 響 名 聲 , 就 成 了 最 沉 重 的 任 務 。 而 辣 椒 醬 , 正 就 是 他 可 以 光 耀 門 楣 的 兒 子 , 自 然 自 豪 。
問 他 的 辣 椒 醬 有 幾 巴 閉 ? 黎 老 總 的 回 答 是 : 「 肥 韜 間 大 榮 華 開 張 到 而 家 都 係 用 我 哋 嘅 辣 椒 醬 , 一 路 都 未 轉 過 。 你 話 勁 唔 勁 嘞 ! 」

辣 椒 含 量 最 高

牙 擦 當 然 有 道 理 。 一 樽 優 質 的 辣 椒 醬 , 成 分 一 定 要 天 然 , 尤 其 辣 椒 分 量 至 少 要 佔 一 半 以 上 , 才 能 有 天 然 的 辣 椒 香 。 品 珍 的 辣 椒 醬 入 口 有 股 鮮 辣 味 , 酸 酸 香 香 , 相 當 醒 胃 , 與 坊 間 一 般 只 得 辣 味 , 但 鮮 香 不 足 明 顯 不 同 。 原 來 它 的 秘 訣 , 就 是 在 辣 椒 含 量 的 比 例 上 。 「 我 哋 嘅 辣 椒 醬 , 80% 係 辣 椒 , 其 餘 係 蒜 肉 、 糖 、 粟 粉 、 醋 及 水 。 出 面 好 多 嘅 辣 椒 含 量 都 係 百 分 之 三 十 左 右 , 因 為 佢 哋 會 加 番 薯 … … 」
加 番 薯 有 甚 麼 問 題 ? 原 來 造 辣 椒 醬 最 重 要 是 起 漿 的 過 程 , 加 入 番 薯 一 同 攪 煮 , 借 助 番 薯 煮 溶 時 產 生 的 膠 質 , 就 可 以 輕 易 把 辣 椒 醬 攪 至 起 漿 。 但 加 了 番 薯 之 後 , 一 來 會 減 低 辣 椒 含 量 , 令 辣 椒 鮮 味 減 少 , 同 時 番 薯 會 釋 放 氣 體 , 入 樽 一 段 時 間 之 後 , 會 因 為 氣 體 膨 脹 造 成 滲 漏 , 又 要 加 入 防 腐 劑 抑 制 始 能 解 決 , 以 致 味 道 不 夠 天 然 , 因 此 不 是 最 上 乘 的 辣 醬 。
品 珍 的 辣 椒 醬 , 最 初 也 是 用 番 薯 起 漿 , 亦 被 滲 漏 問 題 困 擾 多 年 , 最 後 經 過 十 多 年 研 究 , 才 找 到 竅 門 , 就 是 採 用 皮 軟 肉 多 的 廣 西 辣 椒 起 漿 , 再 加 上 掌 握 烹 煮 過 程 中 , 最 後 階 段 落 粟 粉 的 時 間 。 「 落 粟 粉 之 後 , 辣 椒 醬 好 快 變 杰 , 所 以 一 滾 就 要 收 火 , 否 則 又 會 變 稀 , 成 盆 辣 椒 醬 就 唔 要 得 。 」
除 用 廣 西 辣 椒 起 漿 外 , 品 珍 還 採 用 了 四 川 辣 椒 , 前 者 體 形 大 隻 , 皮 厚 多 肉 , 起 漿 能 力 高 , 後 者 細 小 長 身 , 但 辣 味 勁 重 , 兩 者 以 七 三 之 比 混 合 起 來 , 辣 味 和 濃 杰 質 感 效 果 相 當 好 。 坊 間 有 些 廠 , 為 減 成 本 會 選 取 較 便 宜 的 貨 色 , 如 天 津 、 湖 南 產 品 , 效 果 相 對 較 差 。
「 我 哋 做 辣 椒 醬 好 認 真 , 就 連 配 料 都 係 用 最 靚 嘅 , 好 似 蒜 係 用 湖 南 出 產 , 湖 南 蒜 頭 出 名 味 重 , 可 以 吊 出 辣 椒 香 味 。 糖 係 用 韓 國 貨 , 韓 國 糖 質 地 純 度 高 , 雜 質 冇 咁 多 , 而 醋 主 要 係 用 新 加 坡 , 貪 佢 管 控 嚴 格 , 水 準 穩 定 。 粟 粉 來 自 澳 洲 , 黏 性 夠 強 , 可 以 容 易 起 漿 。 」 一 樽 橙 紅 紅 的 辣 椒 醬 , 原 來 是 八 國 聯 軍 的 組 合 。

由 低 做 起

今 日 黎 昭 鵬 雖 已 貴 為 辣 椒 醬 王 子 , 但 原 來 當 初 他 和 品 珍 的 辣 椒 醬 一 樣 , 在 不 受 注 意 下 熬 出 了 名 堂 , 靠 的 是 真 材 實 料 。 黎 昭 鵬 在 七 兄 弟 姊 妹 中 排 第 二 , 年 輕 時 的 他 在 何 文 田 鄧 鏡 波 工 業 學 院 修 讀 製 衣 及 劃 則 , 畢 業 後 走 到 製 衣 廠 做 裁 床 , 希 望 憑 自 己 的 實 力 , 在 家 業 以 外 闖 出 一 番 天 地 。
「 當 時 我 喺 一 間 日 本 製 衣 廠 打 工 , 點 知 做 咗 一 年 , 阿 爸 就 哦 我 話 我 寧 願 幫 人 都 唔 返 嚟 幫 手 , 咁 我 咪 返 廠 幫 手 囉 ! 」
以 為 獲 父 親 欽 點 , 返 廠 繼 承 祖 業 , 卻 只 是 個 美 麗 的 誤 會 , 黎 昭 鵬 一 直 被 投 閒 置 散 , 負 責 跟 單 、 送 貨 等 雜 務 , 每 月 賺 取 的 , 只 是 $300 的 薪 水 , 與 一 個 普 通 工 人 差 不 了 多 少 , 於 是 他 便 利 用 工 餘 揸 的 士 及 工 廠 旅 遊 巴 , 以 增 加 收 入 。
但 從 低 做 起 , 卻 給 黎 昭 鵬 一 個 學 習 機 會 , 看 在 眼 裏 , 記 在 心 中 , 對 醬 園 內 各 個 工 序 和 做 法 日 漸 了 解 。 1971 年 , 黎 昭 鵬 終 於 獲 得 父 親 恩 准 , 進 入 業 務 核 心 的 醬 園 工 場 幫 手 。 初 進 醬 園 , 黎 昭 鵬 並 無 實 質 工 作 , 每 天 只 是 在 工 場 走 走 蕩 蕩 過 日 辰 。 但 他 並 無 讓 日 子 白 白 過 去 , 反 而 把 握 機 會 , 經 常 借 機 與 工 場 內 的 師 傅 們 混 在 一 起 , 從 中 偷 師 了 解 醬 油 製 作 過 程 和 竅 門 。
就 在 該 年 , 他 為 自 己 立 下 了 在 品 珍 的 第 一 個 功 業 , 成 功 做 成 一 宗 價 值 5 萬 元 的 豉 油 外 銷 生 意 , 也 是 品 珍 第 一 單 貨 櫃 生 意 。 對 一 向 不 被 老 爹 重 視 的 他 來 說 , 無 疑 是 一 支 強 心 針 。
「 當 時 利 潤 5 萬 蚊 , 可 以 買 一 個 單 位 㗎 ! 」 黎 昭 鵬 一 臉 自 豪 地 說 。
做 成 了 大 生 意 , 自 然 激 起 雄 心 萬 丈 , 表 現 漸 漸 令 老 父 刮 目 相 看 , 開 始 有 一 展 拳 腳 的 機 會 。 辣 椒 醬 , 就 成 了 建 基 立 業 的 最 佳 踏 腳 石 。

開 拓 龐 大 市 場

「 其 實 我 哋 六 十 年 代 已 開 始 做 辣 椒 醬 , 不 過 一 路 都 唔 係 咁 注 重 。 嗰 陣 時 市 場 上 最 出 名 嘅 辣 椒 醬 係 余 均 益 , 但 後 來 佢 哋 嘅 始 創 人 過 身 , 啲 師 傅 又 先 後 退 休 , 生 意 做 得 唔 係 咁 好 , 我 見 有 市 場 , 咪 睇 準 空 位 鑽 入 行 囉 ! 」
當 時 不 少 醬 園 都 有 製 造 辣 椒 醬 , 但 都 是 「 搭 單 」 製 作 , 但 求 快 出 貨 , 對 產 品 質 素 並 不 太 注 重 。 相 反 , 品 珍 堅 持 用 百 分 百 天 然 材 料 做 辣 椒 醬 , 捨 棄 加 入 防 腐 劑 , 雖 然 花 多 了 時 間 和 成 本 , 卻 在 業 內 日 漸 闖 出 名 堂 , 新 界 西 北 一 帶 的 酒 樓 紛 紛 採 用 。 之 後 隨 着 本 地 飲 食 文 化 改 變 , 品 珍 又 不 斷 推 出 新 的 辣 味 品 種 , 像 潮 州 辣 椒 油 、 蒜 蓉 辣 椒 醬 等 鞏 固 市 場 , 逐 漸 形 成 今 日 的 雄 霸 局 面 。
「 除 咗 本 地 之 外 , 外 國 人 同 華 僑 都 好 鍾 意 食 我 哋 嘅 辣 椒 醬 系 列 , 好 似 呢 隻 最 傳 統 嘅 玻 璃 樽 裝 辣 椒 醬 , 香 港 而 家 啲 食 肆 已 經 好 少 擺 出 嚟 , 但 係 喺 澳 洲 、 加 拿 大 , 仍 然 好 受 歡 迎 , 外 國 人 鍾 意 佢 酸 酸 辣 辣 , 口 味 獨 特 。 而 呢 隻 潮 州 辣 椒 油 , 澳 洲 啲 廚 師 最 鍾 意 用 佢 嚟 做 馬 拉 盞 , 貪 佢 夠 香 辣 。 呢 隻 蒜 蓉 辣 椒 醬 , 我 知 道 有 人 用 嚟 撈 飯 食 … … 」 辣 椒 醬 在 黎 昭 鵬 眼 中 , 就 像 兒 女 一 樣 , 個 個 都 各 有 性 格 。

一 樽 辣 椒 醬 的 誕 生

堅 持 本 地 製 造

潮 流 興 北 上 , 當 許 多 著 名 醬 油 品 牌 紛 紛 將 製 造 工 場 遷 到 國 內 , 在 港 則 換 成 美 輪 美 奐 的 新 總 部 時 , 品 珍 在 元 朗 洪 水 橋 的 總 部 兼 廠 房 , 仍 然 停 留 在 很 「 山 寨 」 的 時 代 , 相 比 幾 個 大 品 牌 而 言 , 真 的 有 點 寒 酸 。 這 所 建 於 1961 年 的 建 築 物 , 部 分 仍 是 瓦 片 頂 、 水 泥 牆 , 今 天 看 來 特 別 顯 得 古 舊 。 但 黎 老 總 對 此 不 以 為 然 , 堅 持 不 跟 潮 流 向 北 走 , 把 生 產 線 遷 移 國 內 。
「 喺 大 陸 設 生 產 線 , 冇 錯 地 方 係 大 好 多 , 人 工 係 平 啲 , 但 係 內 地 工 人 工 作 態 度 往 往 比 較 散 漫 , 如 果 不 親 身 長 駐 監 控 , 品 質 控 制 好 難 做 得 好 。 我 將 前 期 工 序 及 貨 倉 部 分 遷 到 東 莞 , 但 生 產 線 卻 一 定 要 留 喺 香 港 做 , 寧 願 擴 充 香 港 嘅 廠 房 , 做 好 啲 品 質 , 最 多 賺 少 啲 。 」 黎 昭 鵬 堅 定 地 說 。
其 實 , 舊 廠 房 已 在 無 聲 無 息 中 蛻 變 , 部 分 瓦 頂 屋 已 拆 卸 換 上 鋁 質 廠 房 , 而 幾 條 機 械 化 生 產 線 亦 已 準 備 就 緒 , 隨 時 投 入 服 務 。 有 關 醬 油 曬 製 及 辣 椒 醬 的 製 作 成 分 比 例 和 時 間 等 資 料 , 亦 早 已 輸 入 電 腦 , 取 代 過 去 依 賴 師 傅 的 經 驗 。
「 我 哋 最 後 一 個 大 師 傅 , 七 十 幾 歲 , 啱 啱 至 喺 舊 年 年 尾 退 休 。 」 而 未 來 最 大 的 改 變 , 就 是 黎 昭 鵬 已 安 排 了 現 年 27 歲 的 孻 仔 黎 定 顯 接 班 , 並 逐 步 走 向 全 面 電 腦 化 生 產 階 段 。 時 代 巨 輪 不 斷 向 前 走 , 當 本 地 製 作 的 醬 園 買 少 見 少 的 時 候 , 品 珍 就 像 那 位 挑 戰 風 車 的 騎 士 , 在 明 知 不 可 為 中 繼 續 堅 持 。

香 港 品 珍 醬 園 有 限 公 司

地 址 : 元 朗 洪 水 橋 丹 桂 村 362 號
電 話 : 2477 9596
註 : 品 珍 辣 椒 系 列 主 要 集 中 在 新 界 西 北 區 雜 貨 店 有 售 , 另 外 部 分 市 區 雜 貨 店 亦 可 買 到 , 購 買 前 可 先 致 電 查 詢 。

更多 飲食男女 文章

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載