蘋果日報 | APPLE DAILY
› 選擇地區
三藩市
紐約
洛杉磯
其他美國地區

情 尋 香 港 舊 包 【 腿 蛋 包 】

最後更新: 0804 13:13 / 建立時間 (HKT): 0330 00:00

蘇 施 黃 自 細 已 很 喜 歡 吃 麵 包 。 每 晚 晚 飯 時 段 , 家 廚 就 落 街 買 一 大 袋 麵 包 , 等 她 們 明 早 返 學 前 做 早 餐 , 一 買 就 十 二 個 , 因 她 有 六 兄 弟 姊 妹 , 一 人 兩 個 剛 剛 好 。
不 料 , 阿 蘇 這 頭 放 下 碗 筷 , 那 頭 見 枱 面 有 包 , 就 大 嗌 : 「 有 麵 包 食 呀 ! 」 兄 弟 姊 妹 一 湧 去 搶 。 就 這 樣 成 班 化 骨 龍 把 一 大 袋 麵 包 吃 光 , 翌 日 沒 早 餐 吃 , 唯 有 空 着 肚 子 上 學 。
到 她 長 大 了 , 愛 包 之 情 都 沒 改 變 , 仍 是 很 愛 吃 麵 包 , 特 別 是 菠 蘿 包 、 雞 尾 包 、 墨 西 哥 包 和 椰 絲 奶 油 包 。 不 過 , 她 很 嘴 刁 , 認 為 坊 間 很 多 麵 包 都 不 合 她 的 脾 胃 。 直 到 某 次 , 她 有 一 位 朋 友 的 爸 爸 身 故 , 到 香 港 殯 儀 館 送 殯 , 在 附 近 找 吃 , 無 意 間 發 現 新 鳳 凰 的 雞 尾 包 很 好 吃 , 「 呢 度 嘅 雞 尾 包 同 細 個 食 嘅 包 味 道 好 相 近 。 」

阿 蘇 說 : 「 好 嘅 雞 尾 包 , 攞 上 手 , 要 好 輕 , 唔 墜 手 , 即 是 話 啲 餡 啱 啱 好 , 唔 太 多 ; 唔 似 而 家 出 便 嗰 啲 , 啲 麵 包 鋪 好 闊 佬 , 放 好 多 餡 , 甜 得 滯 , 一 入 口 就 唧 晒 啲 餡 出 嚟 , 點 會 好 食 ! 」
話 口 未 完 , 阿 蘇 就 把 一 個 只 有 舊 式 麵 包 鋪 才 有 賣 的 椰 絲 奶 油 包 塞 進 嘴 裏 。 「 椰 絲 奶 油 包 最 緊 要 個 包 夠 大 , 呢 度 就 夠 大 , 因 為 奶 油 好 膩 , 椰 絲 要 多 , 奶 油 要 少 少 , 咁 就 最 perfect ; 出 便 啲 椰 絲 奶 油 包 個 包 細 一 截 , 食 落 去 就 唔 想 食 , 好 膩 。 」
但 新 鳳 凰 又 何 止 雞 尾 包 、 椰 絲 奶 油 包 合 阿 蘇 心 水 呢 ! 腿 蛋 包 是 她 另 一 心 水 : 「 佢 嘅 腿 蛋 包 好 特 別 , 相 信 只 有 佢 一 家 用 煎 荷 包 蛋 做 火 腿 蛋 包 。 舊 時 呢 個 包 好 矜 貴 , 我 到 中 學 時 先 有 得 食 。 估 唔 到 而 家 喺 新 鳳 凰 又 搵 到 , 煎 荷 包 蛋 好 花 時 間 , 老 闆 咁 麻 煩 都 做 呢 個 包 , 我 覺 得 佢 好 難 得 。 」

蘇 施 黃 Profile

資 深 電 台 人 , 小 時 的 家 廚 廚 藝 高 超 , 養 成 她 的 嘴 刁 。 讀 大 學 時 她 開 始 學 煮 餸 , 由 親 身 體 驗 到 近 年 教 人 煮 食 , 在 電 台 和 有 線 電 視 主 持 飲 食 節 目 , 更 在 雜 誌 撰 寫 食 譜 。

罕 有 煎 腿 蛋 包

看 麥 兜 火 雞 的 故 事 , 就 想 起 腿 蛋 包 — — 麥 兜 的 聖 誕 火 雞 吃 不 完 , 一 直 吃 到 翌 年 的 端 午 節 , 對 麥 兜 來 說 是 個 噩 夢 , 而 我 的 噩 夢 是 腿 蛋 包 。
九 歲 那 年 , 媽 媽 買 了 一 個 餐 包 , 煎 了 一 塊 火 腿 和 一 隻 蛋 , 夾 在 包 內 , 做 了 平 生 第 一 個 腿 蛋 包 給 我 吃 。 媽 媽 自 己 做 , 比 坊 間 買 來 的 平 一 個 幾 毫 外 , 還 是 熱 辣 辣 的 。 小 時 候 天 真 漫 瀾 的 我 就 大 讚 這 腿 蛋 包 很 好 吃 … … 從 那 天 起 , 我 的 早 餐 就 成 了 腿 蛋 包 的 天 下 。 直 到 幾 年 後 上 中 學 , 開 始 反 叛 , 有 日 向 媽 媽 大 發 脾 氣 說 不 再 吃 腿 蛋 包 , 這 噩 夢 才 告 終 。
事 隔 多 年 , 不 知 怎 的 , 竟 又 懷 念 起 媽 媽 那 個 腿 蛋 包 起 來 。 因 為 坊 間 的 腿 蛋 包 太 不 像 樣 — — 雞 蛋 溝 了 水 , 放 在 一 大 盤 中 入 焗 爐 , 焗 熟 後 可 𠝹 成 幾 十 塊 蛋 , 入 口 無 蛋 味 , 與 火 腿 夾 在 包 裏 , 吃 時 永 遠 冷 冰 冰 。
其 後 在 新 鳳 凰 , 才 發 現 這 款 具 家 庭 風 味 的 腿 蛋 包 。 這 店 的 老 闆 兼 師 傅 竟 有 心 機 得 逐 隻 雞 蛋 打 勻 再 煎 香 , 一 分 鐘 才 煎 好 一 隻 , 一 隻 蛋 再 分 兩 份 , 連 同 一 片 火 腿 夾 進 包 裏 , 所 花 時 間 是 一 般 焗 腿 包 蛋 的 三 四 倍 , 故 這 裏 每 天 只 做 150 隻 , 賣 完 就 算 。
麵 包 也 是 新 鳳 凰 一 手 包 辦 。 用 香 港 麵 粉 廠 的 中 筋 粉 來 做 , 吃 起 來 具 彈 性 又 有 麵 粉 香 。 名 人 譚 詠 麟 、 蘇 絲 黃 都 曾 為 這 包 而 來 , 老 闆 呂 喜 波 也 覺 奇 怪 : 「 個 包 簡 簡 單 單 , 竟 然 有 咁 多 人 捧 場 , 連 有 頭 有 面 的 都 鍾 意 ? 」 大 概 老 闆 不 明 白 , 平 凡 簡 單 中 見 心 思 , 才 是 最 不 簡 單 。

新 鳳 凰 麵 包 餅 店 ★ 地 址 : 北 角 七 姊 妹 道 217 號 地 下 ★ 電 話 : 2561 3116

更多 飲食男女 文章

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載