蘋果日報 | APPLE DAILY
› 選擇地區
三藩市
紐約
洛杉磯
其他美國地區

不 滅 之 傳 奇   橫 綱 拉 麵

最後更新: 0804 13:25 / 建立時間 (HKT): 0822 00:00

「 好 想 吃 拉 麵 啊 ! 」 這 是 處 於 八 十 年 代 , 正 值 少 男 少 女 懷 春 迷 日 本 偶 像 崇 洋 心 聲 此 起 彼 落 的 花 樣 年 代 而 發 出 內 心 之 呼 喚 。
記 得 每 個 同 學 都 勒 緊 褲 頭 , 省 下 午 餐 的 幾 塊 錢 買 寫 真 買 黑 膠 碟 , 追 Matchy 追 明 菜 , 無 錢 都 要 去 逛 東 急 松 坂 屋 伊 勢 丹 。
至 於 我 , 視 吃 一 碗 當 時 罕 有 的 日 式 拉 麵 為 最 爆 之 事 , 比 別 人 更 酷 。
終 於 花 了 一 張 黑 膠 碟 的 價 錢 , 在 一 間 細 小 但 充 滿 日 本 風 情 味 的 橫 綱 拉 麵 店 , 吃 了 人 生 中 第 一 口 拉 麵 。 「 囗 囗 囗 」 的 感 覺 是 , 超 級 棒 。
當 香 港 人 人 都 崇 日 之 時 , 日 本 人 山 本 浩 一 , 卻 放 棄 了 日 本 穩 定 工 作 與 生 活 , 隻 身 來 港 , 追 尋 一 種 「 好 想 幹 一 番 事 業 啊 ! 」 的 超 級 棒 感 覺 。
橫 衝 直 撞 像 盲 亨 般 誓 要 發 圍 的 厲 害 程 度 是 , 一 句 廣 東 話 也 不 會 說 , 沒 有 生 意 經 驗 只 懂 沖 杯 麵 , 竟 然 斗 膽 來 港 開 拉 麵 店 。
1987 年 9 月 , 橫 綱 便 成 為 香 港 首 家 日 本 人 開 設 之 地 道 拉 麵 專 門 店 , 一 年 內 站 穩 陣 腳 , 成 為 第 一 代 人 龍 食 店 , 迄 今 人 龍 依 舊 有 長 無 短 。
這 拉 麵 專 門 店 傳 奇 , 背 後 原 來 隱 藏 着 堅 忍 耐 苦 不 妥 協 的 武 士 道 精 神 。

大 作 戰 !

哪 吒 不 怕 海 龍 王 , 幼 獅 不 畏 虎 和 狼 … …
八 十 年 代 是 電 視 撈 飯 之 年 代 , 1984 年 , 迷 上 《 新 紮 師 兄 》 杰 佬 , 與 當 年 24 歲 的 山 本 浩 一 真 的 有 幾 分 相 似 。
所 說 的 就 是 初 生 之 犢 不 畏 虎 , 心 口 掛 個 勇 字 便 向 前 衝 , 想 做 就 去 做 的 感 覺 固 然 超 級 棒 , 但 當 中 要 面 對 的 , 所 付 出 的 , 甚 至 超 乎 常 理 之 堅 忍 所 作 出 之 考 驗 , 便 構 成 日 後 成 功 與 否 之 關 鍵 所 在 , 說 到 底 做 生 意 亦 是 人 之 素 質 之 重 要 元 素 。
萌 起 創 業 之 念 , 就 是 不 甘 於 被 困 , 困 在 逃 不 了 的 生 命 之 循 環 裏 。
「 嗰 時 呢 , 好 多 日 本 人 呢 , 搵 到 一 份 穩 定 嘅 工 就 可 以 做 一 世 嘅 。 做 咗 幾 年 嘢 之 後 呢 , 我 就 諗 , 可 唔 可 以 試 吓 其 他 呢 , 咁 又 想 做 啲 乜 , 初 時 呢 , 因 為 有 朋 友 係 香 港 人 , 我 就 想 嚟 香 港 開 coffee shop 嘅 。 後 來 個 香 港 朋 友 覺 得 未 係 時 候 , 就 提 議 我 不 如 開 拉 麵 店 啦 , 決 定 咗 之 後 就 開 始 囉 。 」 來 港 廿 一 年 後 之 今 日 , 山 本 先 生 用 勁 流 利 日 本 口 音 廣 東 話 說 。
這 隻 商 場 上 之 幼 虎 , 在 臨 行 前 三 個 月 , 於 東 京 都 一 家 以 家 庭 式 經 營 之 拉 麵 專 門 店 學 習 製 麵 、 經 營 , 完 成 實 幹 所 得 來 之 寶 貴 體 驗 後 , 便 隻 身 上 路 , 時 為 1987 年 4 月 。
27 歲 了 , 面 對 陌 生 國 度 , 真 正 開 展 另 一 條 人 生 路 之 大 作 戰 。

奸 爸 爹 !

1988 年 , 當 我 埋 頭 苦 幹 地 啃 着 柴 門 文 《 東 京 愛 的 故 事 》 的 漫 畫 , 沉 醉 於 愛 之 初 體 驗 的 同 時 , 山 本 先 生 正 踏 上 夢 想 號 朝 着 未 來 進 發 。 可 以 想 像 頭 戴 奸 爸 爹 頭 巾 , 在 蒸 氣 騰 騰 之 狹 小 廚 房 裏 , 拿 着 大 湯 殼 煮 麵 時 的 汗 流 浹 背 , 強 忍 着 淚 水 之 模 樣 。
「 開 鋪 嗰 陣 , 我 就 自 己 煮 麵 , 一 心 諗 住 俾 心 機 煮 , 一 定 會 煮 得 好 食 , 日 日 攞 住 本 烹 飪 書 邊 睇 邊 學 , 不 斷 改 進 , 所 以 呢 , 麵 啦 湯 底 啦 叉 燒 啦 都 係 自 己 整 嘅 , 跟 足 日 本 傳 統 口 味 ! 」
我 的 拉 麵 初 體 驗 , 居 然 是 來 自 一 名 初 哥 ? 怎 麼 可 能 呀 , 當 時 我 真 的 覺 得 很 好 吃 喎 !
沒 錯 , 八 十 年 代 , 香 港 人 統 統 是 日 本 美 食 初 哥 , 味 蕾 未 經 磨 煉 , 又 怎 能 分 辨 好 與 壞 。 相 反 , 若 不 是 他 的 藝 高 人 膽 大 , 將 日 本 之 傳 統 風 味 平 民 小 店 帶 來 香 港 , 我 們 依 然 活 在 井 底 之 中 。
「 其 實 嗰 時 得 八 百 伴 美 食 廣 場 有 拉 麵 食 , 同 我 一 樣 都 係 得 豉 油 同 麵 豉 湯 底 , 不 過 呢 , 後 來 我 鑽 研 豬 骨 湯 底 , 開 張 一 年 後 就 成 功 推 出 , 當 時 嚟 講 係 全 港 唯 一 一 間 食 到 豬 骨 湯 底 拉 麵 嘅 。 」
他 對 拉 麵 有 種 日 本 人 的 不 妥 協 。 為 了 麵 條 新 鮮 , 一 開 始 就 拿 着 在 東 京 打 工 時 拉 麵 的 製 麵 方 程 式 , 自 己 在 香 港 找 廠 家 自 製 拉 麵 , 湯 底 的 麵 豉 , 從 開 始 至 今 都 從 日 本 入 口 , 熬 足 一 日 一 夜 才 奉 客 , 甚 至 乎 鋪 頭 的 裝 潢 擺 設 都 一 手 一 腳 設 計 , 務 求 忠 於 日 本 拉 麵 小 店 模 式 , 還 不 斷 試 不 斷 研 究 不 繼 挑 戰 極 限 , 像 嫌 本 地 的 雞 蛋 不 夠 好 , 便 專 登 引 入 北 海 道 的 無 菌 蛋 , 又 為 了 健 康 , 加 多 了 日 本 糙 米 做 的 糙 麵 予 客 人 選 擇 , 反 映 日 本 人 對 做 好 一 件 事 的 投 入 和 專 注 , 相 比 起 花 心 思 如 可 賺 得 一 蚊 得 一 蚊 的 香 港 生 意 人 來 說 , 存 在 着 極 大 之 落 差 。

麵 食 之 意 義 !

學 生 年 代 為 了 慳 錢 , 差 不 多 日 日 吃 福 麵 當 午 餐 , 有 得 吃 熱 辣 辣 的 出 前 一 丁 已 經 很 有 錢 喇 , 只 覺 得 吃 一 丁 是 潮 , 吃 雲 吞 麵 是 「 娘 」 , 當 然 不 會 想 起 麵 食 其 實 是 來 自 中 國 的 , 反 而 這 個 日 本 人 , 反 過 來 追 本 溯 源 , 比 中 國 人 更 尊 重 中 國 文 化 。
「 我 覺 得 來 香 港 開 麵 店 係 好 有 意 思 嘅 , 中 國 人 將 麵 帶 來 我 嘅 國 家 , 今 日 , 我 就 將 日 本 拉 麵 帶 來 香 港 , 心 入 面 懷 住 呢 種 心 情 呢 , 會 更 加 想 做 得 啲 麵 更 加 好 , 所 以 呢 , 由 開 張 到 而 家 , 都 係 不 斷 改 良 緊 嘅 。 」
橫 綱 店 門 口 的 落 地 玻 璃 , 大 大 隻 字 貼 上 「 日 本 麵 是 由 中 國 傳 至 日 本 … … ( 下 刪 幾 十 字 ) 」 之 大 字 樣 , 這 是 開 鋪 時 已 經 貼 上 , 是 宣 傳 也 是 對 麵 食 ; 甚 至 對 中 國 懷 着 一 份 尊 重 之 情 感 。
難 怪 開 業 一 年 , 即 使 沒 有 任 何 宣 傳 , 顧 客 也 愈 積 愈 多 , 沒 多 久 便 成 為 首 間 人 龍 店 。
人 多 了 , 問 題 便 陸 續 出 現 , 等 候 時 間 愈 來 愈 長 , 店 子 長 期 逼 爆 , 以 至 煮 麵 之 速 度 失 去 控 制 , 麵 條 時 腍 時 韌 , 湯 底 時 熱 時 暖 , 都 足 以 影 響 食 客 之 心 情 , 門 外 貼 着 那 個 「 快 」 字 的 宣 傳 , 亦 顯 得 特 別 礙 眼 。
開 分 店 , 原 先 的 概 念 就 是 為 了 解 決 人 流 而 作 出 之 決 定 。
終 於 , 1992 年 , 橫 綱 第 二 店 , 誕 生 。

等 等 Chotto

老 實 講 , 當 年 我 較 喜 歡 橫 綱 第 二 店 的 , 因 為 拍 住 拖 去 隱 蔽 神 秘 的 樓 上 店 , 會 帶 來 點 點 偷 情 之 快 感 !
奈 何 , 記 得 當 年 第 二 店 旺 場 時 間 也 逼 爆 人 , 同 樣 要 等 上 二 、 三 十 分 鐘 先 有 位 , 到 就 座 後 又 要 等 多 廿 分 鐘 先 有 麵 吃 , 似 乎 分 流 並 不 那 麼 成 功 !
要 快 , 最 後 還 是 慢 下 來 。
「 對 唔 住 , 我 真 係 覺 得 唔 好 意 思 , 人 多 嘅 時 候 呢 , 係 好 難 控 制 煮 麵 嘅 速 度 , 因 為 一 個 爐 呢 最 多 只 可 以 煮 四 個 麵 , 一 個 時 間 煮 太 多 會 影 響 麵 嘅 溫 度 同 質 感 嘅 , 每 碗 麵 都 要 保 持 水 準 係 我 嘅 堅 持 , 我 都 覺 得 對 等 候 嘅 客 人 唔 好 意 思 , 不 過 麵 好 食 係 最 重 要 嘅 。 」
每 位 去 過 橫 綱 的 人 , 都 不 介 意 等 , 大 概 就 是 因 為 愛 上 山 本 對 食 物 之 尊 重 及 堅 持 吧 。
但 不 是 次 次 都 等 到 尾 的 , 相 信 你 同 我 亦 有 等 位 等 到 走 頭 之 體 驗 , 如 此 這 麼 白 花 了 的 時 間 , 可 能 足 以 去 一 轉 東 京 大 吃 一 頓 。
有 見 及 此 , 山 本 先 生 居 然 想 出 體 貼 窩 心 的 等 候 時 間 優 惠 卡 。
「 客 人 呢 的 確 花 咗 時 間 等 位 係 唔 公 平 嘅 , 所 以 我 就 諗 咗 套 積 分 計 劃 , 同 一 般 儲 分 換 現 金 優 惠 一 樣 , 但 係 我 就 連 客 人 等 位 時 間 都 計 埋 嘅 , 就 算 等 咗 二 十 分 鐘 唔 可 以 再 等 , 走 咗 , 都 可 以 加 分 嘅 。 」
簡 單 說 明 : 每 等 五 分 鐘 就 有 一 分 , 等 同 惠 顧 了 五 蚊 ; 如 此 類 推 。
儲 滿 一 張 500 分 卡 , 就 可 當 $25 用 喇 。
即 是 話 , 齋 等 2,500 分 鐘 , 就 有 $25 蚊 吃 麵 囉 。
若 然 你 真 的 無 聊 到 齋 等 攞 着 數 的 話 , 的 確 是 百 分 百 之 香 港 人 , 山 本 先 生 肯 定 O 晒 嘴 。

武 士 道 精 神

九 十 年 代 初 至 中 期 , 香 港 漸 進 入 日 本 美 食 之 黃 金 期 , 元 綠 、 元 氣 、 味 千 陸 續 加 入 市 場 競 爭 漸 趨 白 熱 化 。 多 了 便 不 覺 矜 貴 , 崇 洋 心 態 亦 隨 之 而 遞 減 , 反 而 愛 上 英 倫 brit-pop , 愛 Suede 愛 Fish & Chips 。
面 對 激 烈 競 爭 與 大 氣 候 趨 勢 , 橫 綱 便 繼 續 擴 張 勢 力 , 於 95 、 96 年 間 , 相 繼 於 灣 仔 及 銅 鑼 灣 開 設 第 三 第 四 分 店 。
由 於 資 金 有 限 , 新 開 的 兩 間 分 店 , 由 獨 資 變 合 資 , 一 人 話 事 的 好 處 是 隨 心 所 欲 , 無 論 賺 與 蝕 , 榮 辱 歸 於 自 己 。 合 資 容 易 產 生 執 拗 , 果 然 很 快 應 驗 , 只 維 持 了 一 年 合 作 關 係 便 拆 檔 。
原 因 是 , 與 一 眾 急 於 賺 錢 的 本 地 生 意 人 合 資 , 拍 檔 看 重 賺 錢 多 於 質 素 , 不 斷 加 入 新 的 食 物 種 類 , 有 違 山 本 只 做 拉 麵 的 原 意 與 誠 意 , 於 是 大 丈 夫 有 所 為 有 所 不 為 , 他 決 定 退 出 。
「 我 覺 得 拉 麵 店 唔 係 快 餐 店 , 胡 亂 加 多 減 少 都 會 影 響 形 象 同 質 素 嘅 , 仲 有 呢 , 香 港 比 較 炎 熱 潮 濕 , 處 理 生 食 壽 司 有 一 定 嘅 困 難 嘅 , 衛 生 清 潔 保 持 新 鮮 合 乎 規 格 係 最 重 要 嘅 。 」
他 一 向 着 重 鋪 內 衛 生 , 除 了 勤 抹 枱 椅 , 打 理 得 整 整 齊 齊 外 , 還 會 定 期 替 店 子 化 驗 細 菌 含 量 , 驗 得 多 了 , 自 己 也 成 了 專 家 , 兩 年 前 索 性 開 設 食 品 衛 生 科 技 研 究 公 司 , 幫 自 己 之 餘 還 幫 其 他 食 肆 定 期 做 化 驗 。

「 我 相 信 冇 幾 多 鋪 仔 或 者 連 鎖 店 , 會 花 心 機 做 細 菌 化 驗 呢 啲 繁 瑣 工 序 , 不 過 食 店 污 糟 食 壞 始 終 係 客 人 , 我 幫 佢 哋 化 驗 , 賺 到 錢 亦 幫 到 佢 哋 。 」
可 惜 , 他 敵 得 過 細 菌 , 卻 敵 不 過 經 濟 蕭 條 。 03 年 沙 士 之 入 侵 , 第 二 店 捱 不 過 經 濟 嚴 冬 而 結 業 , 雖 然 04 年 再 戰 尖 沙 咀 , 奈 何 租 金 及 鄰 近 的 競 爭 , 捱 足 三 年 滿 租 約 便 告 終 。 兜 兜 轉 轉 , 彎 了 一 個 又 一 個 圈 , 像 拼 命 三 郎 般 搏 到 盡 , 到 頭 來 亦 是 夢 一 場 , 經 過 廿 一 年 , 今 日 他 回 歸 基 本 步 , 專 心 打 理 發 跡 地 油 麻 地 老 店 。
經 過 成 功 與 挫 敗 , 當 中 沒 有 一 絲 氣 餒 與 沮 喪 , 靠 的 原 來 是 背 後 隱 藏 的 武 士 道 精 神 。
「 何 謂 武 士 道 ? 你 可 以 上 網 查 一 查 。 」 山 本 先 生 丟 下 這 幾 粒 字 便 沒 有 再 說 下 去 。
「 係 ! 」 我 惟 有 附 應 着 。
網 上 百 科 全 書 是 這 樣 說 的 : 武 士 標 榜 的 是 精 神 上 的 優 越 , 心 理 上 先 要 戰 勝 自 己 。 真 正 的 武 士 道 精 神 是 堅 持 / 耐 苦 / 精 進 / 不 妥 協 / 有 強 烈 的 責 任 感 。
這 大 概 是 日 本 人 總 可 以 堅 持 到 底 達 至 最 後 之 一 刻 的 原 因 吧 。

大 相 撲

日 本 人 視 相 撲 為 國 技 , 山 本 先 生 亦 愛 相 撲 , 橫 綱 , 正 是 相 撲 手 之 最 高 級 別 。
若 然 人 生 就 是 一 場 相 撲 , 那 最 大 的 敵 人 是 自 己 。
告 別 安 逸 、 遠 涉 重 洋 、 迎 向 挑 戰 、 克 服 困 難 , 他 與 潛 藏 內 心 的 怯 懦 、 畏 懼 、 退 縮 角 力 了 廿 多 年 , 戰 勝 了 人 性 的 弱 點 , 昂 然 邁 向 堅 強 。
當 中 蘊 藏 的 , 就 是 大 相 撲 中 的 武 士 道 精 神 。

橫 綱 日 本 麵 店

地 址 ︰ 九 龍 油 麻 油 彌 敦 道 466-472 號 地 下 ( 永 星 里 )
電 話 ︰ 2783 0784/2723 8882

更多 飲食男女 文章

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載