› 選擇地區
三藩市
紐約
洛杉磯
其他美國地區
香港 台灣 北美
 

黑 金 剛 之 謎

最後更新: 0804 13:36 / 建立時間 (HKT): 1120 00:00

「 黑 金 剛 」 , 近 年 城 中 人 氣 鐵 鑊 , 因 為 蘇 施 黃 一 句 「 好 用 」 , 突 然 間 不 論 資 深 入 廚 老 手 , 又 或 是 新 一 代 家 庭 主 婦 , 都 要 買 一 隻 回 家 坐 鎮 。
雖 然 很 多 人 用 過 , 卻 不 是 人 人 知 道 「 黑 金 剛 」 到 底 是 甚 麼 ?
點 解 好 用 呢 ? 究 竟 點 樣 揀 ? 不 用 猜 , 立 即 為 你 解 答 。

你 有 用 過 「 黑 金 剛 」 嗎 ?

Q1 「 黑 金 剛 」 是 牌 子 名 ?

A1 不 是 , 「 黑 金 剛 」 並 非 牌 子 名 , 而 是 一 種 舊 式 搪 瓷 鑊 , 廿 幾 年 前 已 經 在 香 港 有 售 。 為 了 解 決 廣 東 人 所 用 的 生 鐵 鑊 容 易 生 鏽 的 問 題 , 當 時 土 瓜 灣 、 荃 灣 一 帶 還 有 些 搪 瓷 廚 具 廠 , 借 用 做 搪 瓷 器 具 的 方 法 , 在 手 打 成 形 的 2mm 薄 鐵 鑊 上 , 再 加 幾 層 黑 色 搪 瓷 層 防 鏽 , 並 替 它 改 了 個 有 氣 勢 的 名 字 「 黑 金 剛 」 , 從 此 成 為 這 種 搪 瓷 鑊 的 統 稱 。
不 過 , 上 一 輩 的 廣 東 人 始 終 用 慣 生 鐵 鑊 , 鑊 身 要 重 ( 三 斤 半 ) , 而 「 黑 金 剛 」 只 得 兩 斤 半 重 , 早 年 銷 情 一 般 。 直 到 近 年 蘇 施 黃 大 力 推 介 , 令 這 隻 寂 寂 無 聞 的 鐵 鑊 「 升 呢 」 大 受 歡 迎 。

Q2 點 解 人 人 都 讚 「 黑 金 剛 」 好 ?

A2 「 黑 金 剛 」 用 熟 鐵 片 打 成 , 鑊 身 薄 , 所 以 傳 熱 拍 得 上 向 來 夠 鑊 氣 的 生 鐵 鑊 , 至 於 新 式 的 不 鏽 鋼 和 易 潔 鑊 , 就 明 顯 及 不 上 「 黑 金 剛 」 。 由 於 傳 熱 快 , 因 此 鑊 氣 亦 夠 猛 , 絕 不 比 生 鐵 鑊 差 , 炒 碟 菜 都 特 別 香 口 。 最 好 是 它 比 生 鐵 鑊 輕 , 兼 多 加 一 層 搪 瓷 層 , 不 易 黐 底 及 生 鏽 , 很 好 用 。
1 / 傳 熱 快
用 「 黑 金 剛 」 煲 滾 1 公 升 水 , 6 分 鐘 滾 起 , 拍 得 住 生 鐵 鑊 速 度 , 若 與 不 鏽 鋼 及 易 潔 鑊 比 , 時 間 就 快 它 們 一 半 。
嚴 師 傅 / 「 『 黑 金 剛 』 鑊 身 薄 , 燒 起 來 整 個 鑊 好 快 熱 , 相 對 慳 時 間 兼 慳 燃 料 。 」
2 / 夠 鑊 氣
「 黑 金 剛 」 傳 熱 快 , 鑊 身 快 燒 紅 , 因 此 鑊 氣 夠 , 好 像 炒 碟 薑 汁 芥 蘭 , 明 顯 入 口 有 啖 啖 薑 汁 香 , 菜 葉 經 猛 火 炒 , 依 然 青 綠 爽 脆 , 不 似 用 不 鏽 鋼 及 易 潔 鑊 , 菜 不 是 炒 得 太 老 , 就 是 太 軟 身 。
嚴 師 傅 / 「 『 黑 金 剛 』 鑊 身 傳 熱 夠 快 夠 熱 , 大 火 於 短 時 間 內 逼 出 食 物 香 味 , 不 過 水 分 亦 快 流 失 , 手 腳 太 慢 , 菜 亦 很 易 炒 得 太 乾 。 」
3 / 不 易 黐 底
「 黑 金 剛 」 加 有 搪 瓷 層 , 夠 光 滑 , 不 易 黐 底 , 就 算 用 來 炒 最 易 黐 底 的 炒 鮮 奶 一 樣 得 , 生 鐵 鑊 及 不 鏽 鋼 鑊 就 一 定 及 不 上 。
嚴 師 傅 / 「 不 黐 底 主 要 是 鑊 身 有 搪 瓷 層 , 加 上 傳 熱 快 , 燒 紅 整 隻 鑊 放 入 材 料 便 不 會 黐 底 。 就 算 有 少 許 黐 底 , 浸 水 用 百 潔 布 便 輕 易 擦 走 , 不 像 生 鐵 鑊 要 用 鋼 絲 大 力 擦 。 」

Q3 「 黑 金 剛 」 用 鐵 片 做 , 點 解 用 不 久 也 會 有 裂 紋 ?

A3 一 般 情 況 使 用 , 一 隻 「 黑 金 剛 」 可 以 用 三 四 年 ; 若 果 經 常 用 太 猛 火 或 乾 燒 , 鑊 燒 得 太 熱 , 過 度 冷 縮 熱 脹 , 外 面 搪 瓷 層 就 會 爆 裂 ; 另 外 , 太 大 力 在 鑊 面 敲 打 , 搪 瓷 層 亦 會 出 現 裂 紋 。 一 旦 發 現 搪 瓷 層 有 崩 裂 , 就 需 要 更 換 , 不 過 買 一 隻 才 幾 十 元 , 仍 然 十 分 抵 用 。

Q4 市 面 的 「 黑 金 剛 」 平 至 五 六 十 元 , 貴 至 百 幾 元 都 有 , 為 甚 麼 價 錢 相 差 那 麼 大 ?

A4 由 於 現 時 大 部 分 「 黑 金 剛 」 都 在 國 內 不 同 的 鐵 器 工 廠 生 產 , 有 來 自 佛 山 大 廠 , 也 有 來 自 外 省 工 場 製 作 , 雖 同 是 「 黑 金 剛 」 鑊 , 不 過 手 工 、 質 料 不 同 , 難 免 連 價 錢 亦 有 差 異 。 我 們 隨 便 在 市 面 幾 間 廚 具 雜 貨 店 買 一 隻 17 吋 大 「 黑 金 剛 」 , 也 找 到 三 隻 不 同 款 式 , 細 心 看 發 現 有 些 微 差 別 。

No.1 「 黑 金 剛 」 ( 九 龍 城 進 興 百 貨 )
. 出 產 地 不 詳 , 鑊 身 有 個 「 CH 」 貼 紙 作 標 記 。
. 重 量 1.52kg , 拿 上 手 感 覺 較 輕 。
. 搪 瓷 層 夠 厚 , 略 欠 光 滑 , 中 間 明 顯 有 凹 凸 瑕 疵 。
. 兩 邊 手 柄 用 4 顆 釘 固 定 , 夠 安 全 , 手 柄 尺 寸 偏 細 , 拿 起 來 不 順 手 。

No.2 「 黑 金 剛 」 ( 跑 馬 地 許 記 )
. 據 稱 出 產 自 佛 山 , 鑊 身 沒 有 任 何 貼 紙 標 記 。
. 重 量 1.55kg , 拿 上 手 夠 重 身 。
. 搪 瓷 層 既 厚 又 平 均 , 手 工 不 錯 。
. 兩 邊 手 柄 用 4 顆 釘 固 定 , 手 柄 尺 寸 大 , 大 大 隻 男 士 手 掌 也 可 穿 過 , 只 是 手 柄 邊 有 輕 微 搪 瓷 剝 落 。

No.3 「 黑 金 剛 」 ( 大 埔 墟 順 泰 )
. 鑊 身 刻 有 「 万 」 字 , 佛 山 廠 製 , 香 港 有 代 理 。
. 重 量 1.55kg , 拿 上 手 夠 重 身 。
. 搪 瓷 層 夠 厚 , 些 微 不 夠 平 均 。
. 兩 邊 手 柄 有 4 顆 釘 固 定 , 手 柄 尺 寸 比 2 號 鑊 稍 窄 , 但 男 士 用 都 得 。

Editor's Choice

三 隻 鑊 外 形 幾 乎 一 模 一 樣 , 但 細 心 看 就 會 發 現 手 工 有 差 別 。 實 則 用 起 來 不 會 太 影 響 鑊 氣 及 傳 熱 速 度 , 不 過 以 價 錢 計 , 明 顯 是 No.3 「 黑 金 剛 」 最 抵 買 。 加 上 香 港 有 代 理 , 賣 的 是 佛 山 大 廠 手 工 鐵 鑊 , 質 素 相 對 有 保 證 。 據 代 理 說 由 於 近 年 多 人 買 , 訂 單 急 升 , 質 量 亦 變 得 難 控 制 , 所 以 在 鑊 身 上 加 了 個 刻 印 , 用 家 用 一 次 不 滿 意 , 有 問 題 包 換 。

Q5 是 不 是 任 何 廚 具 店 , 都 可 以 買 到 万 字 「 黑 金 剛 」 ?

A5 這 款 万 字 「 黑 金 剛 」 , 很 多 地 方 都 找 到 , 不 過 , 想 買 最 靚 、 最 齊 款 、 最 平 的 話 , 推 介 以 下 兩 間 正 店 。

大 埔 墟 順 泰
大 埔 墟 舊 街 市 老 字 號 , 老 闆 陳 生 廿 幾 年 前 已 賣 「 黑 金 剛 」 , 對 好 鑊 壞 鑊 一 睇 就 分 得 出 , 名 副 其 實 是 「 鐵 鑊 達 人 」 。 他 們 賣 的 「 黑 金 剛 」 , 瑕 疵 極 少 , 事 關 每 次 入 貨 都 會 檢 查 。 加 上 售 價 全 港 最 平 , 最 大 的 17 吋 鑊 只 售 $54 , 比 市 區 平 兩 三 成 。
「 黑 金 剛 」 售 價 : 15 吋 ( $45 ) 、 16 吋 ( $48 ) 、 17 吋 ( $54 )

銅 鑼 灣 祥 泰 行
鵝 頸 橋 旁 邊 的 祥 泰 行 , 兩 年 幾 前 阿 蘇 在 電 視 介 紹 過 他 們 有 售 的 「 黑 金 剛 」 , 旋 即 引 來 大 班 顧 客 搶 購 , 試 過 兩 三 小 時 售 出 過 百 隻 , 兼 賣 斷 市 , 所 以 多 年 來 , 一 直 保 持 存 貨 較 多 , 價 錢 雖 不 是 最 平 , 但 地 點 就 腳 , 尺 碼 齊 全 。
售 價 : 14 吋 ( $50 ) 、 15 吋 ( $58 ) 、 16 吋 ( $60 ) 、 17 吋 ( $65 )

Q6 怎 樣 揀 隻 好 的 「 黑 金 剛 」 ?

A6 就 算 大 廠 出 品 , 香 港 有 代 理 , 亦 並 非 隻 隻 「 黑 金 剛 」 都 做 得 最 好 。 所 以 連 用 了 四 年 , 家 有 六 隻 不 同 尺 寸 「 黑 金 剛 」 的 大 師 姐 都 說 一 定 要 識 揀 。

大 師 姐 : 「 以 前 , 『 黑 金 剛 』 還 沒 有 這 麼 流 行 , 品 質 確 好 用 啲 , 現 在 有 時 甩 青 , 時 重 時 輕 , 所 以 想 耐 用 些 , 就 要 細 心 揀 。 」

1. 鐵 鑊 要 夠 圓 , 鑊 邊 要 平 滑 , 煮 食 時 才 會 受 熱 平 均 和 好 用 。
2. 鑊 面 搪 瓷 要 光 滑 平 均 , 無 一 撻 撻 , 否 則 搪 瓷 面 用 不 久 便 裂 開 , 易 黐 底 。
3. 手 指 輕 敲 鑊 身 , 聽 到 清 脆 「 噹 、 噹 」 聲 音 , 代 表 鐵 鑊 質 料 好 , 耐 用 很 多 。
4. 揀 合 適 尺 寸 的 「 黑 金 剛 」 鑊 煮 飯 炒 菜 , 火 力 、 鑊 氣 都 會 更 理 想 。 一 般 煎 炒 炸 , 揀 15 吋 或 16 吋 已 經 好 夠 用 。 若 做 蒸 、 燻 菜 式 , 用 大 一 點 的 17 吋 , 有 更 多 空 間 讓 蒸 氣 流 動 。

SHOP LIST

進 興 百 貨 // 九 龍 城 市 政 大 廈 2 樓 1221 號 鋪
許 記 // 跑 馬 地 毓 秀 街 8 號 地 下 / 2574 5448
順 泰 // 大 埔 富 善 街 67 號 地 下 / 2656 6831
祥 泰 行 // 銅 鑼 灣 堅 拿 道 西 15 號 地 下 永 德 大 廈 13 號 鋪 / 2891 9697

更多 飲食男女 文章

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載