› 選擇地區
三藩市
紐約
洛杉磯
其他美國地區
香港 台灣 北美
 

【環保杯套】八十後時裝設計師操刀 碎布升呢變高質飲品杯套

建立時間 (HKT): 0806 00:02

足本版介紹,請點擊網址: http://bit.ly/2KnfIAy

新不如舊,碎布升呢變高質杯套
生於八零年代,曾經縱橫時裝界,因為一場大病而「重新」。黃桂香(Alice),由速食時裝文化幫兇,到踏上環保不歸路。

珍珠奶茶,台式飲品,經歷塑化劑災難後又再重生。在尖沙咀的一條街道上,總有一間喺左近,一杯飲品一個塑膠袋,還有無數用完即棄飲管,炎夏中,我們得以解渴,偏偏污染問題就無法解決。Alice作為一個時裝設計師,望着這杯「凍飲」,思前想後,決定為環保出一分力,將一直收藏的布碎,循環再造,製作出自家環保杯套。

物盡其用,甚麼都是寶
廢物,其實未必一無是處,看看落在誰的手上,就有不一樣的化學作用,能夠懂得欣賞人家唾棄的東西,化腐朽為神奇,不是「誰」都可以!
製作杯套看似容易,誰知要花上兩個小時。度尺寸、量體積,符合不同大小的飲品杯,計算要精準。再畫紙樣、揀布碎,還要考慮兩幅和四幅剪裁出來的效果,「首先你要了解布嘅質地,好似一個環保杯托,如果面布用咗有彈性,底嗰塊就要揀無彈性,咁先可以有足夠承托力,我哋呢啲紅褲仔出身嘅設計師,先會諗到呢啲細位,唔係求祈車埋就算。」

一個杯套,兩種風格
一個幾十蚊的環保杯套,花上的心思和時間,並非金錢可以衡量,「要賺錢就唔做杯套啦,我車一個杯套要用兩個鐘,除咗手腳慢,揀布碎都好花時間,買塊新布唔同,簡單得多,設計上無規限,但就做唔到真正環保。女士鍾意喱士,男士鍾意簡單,要一個杯套符合兩種要求,反轉用就可以有唔同風格,喺製作上要諗得好仔細。」坊間常見杯套的手抽位,都用上方形線步,Alice卻覺得過於平凡,令整個設計變得笨拙,她改用Z線步,「Z線少人用,其實好穩陣,又型啲,呢啲detail位,可能連用嗰個都未必察覺到,但既然要做,就要做到最好。」Alice笑着,娓娓道來。

堅持,只因曾經「犯錯」
Alice,在時裝界打滾多年,每季使命必達,400個新設計絕對難不到她,但卻在事業高峰期,皮膚病不斷纏擾她,迫不得已下請辭,休息期間,大病卻不藥而癒,反思人生,獲得「重新」機會!決定經營自家品牌「pause & ponder」,目的是希望大家買任何東西前,都要停一停,想一想,真的有需要嗎?這個理念不是純粹說出來,Alice身體力行,把每件衣服Upcycle,「如果唔係一場大病,從來無諗過,原來我都係時裝污染嘅幫兇,速食時裝文化,買得快,丟得快,捐得更快。其實捐衫,已經飽和,根本唔係環保,係不斷破壞生態,破壞第三世界嘅傳統服飾手工藝。」

改衣,改變了人生
最初,Alice賣自家製二手衫,後期索性轉型,專做改衫,為每件衫upcycle,除了環保,原來幫到別人,從中得到快樂。「試過有個女仔,拎件好舊嘅婚紗嚟改,細問之下,原來佢媽咪已經過咗身,佢希望着住媽咪嘅婚紗嚟行禮,等媽咪都可以見證佢嘅婚禮。」。每件衫,每幅布,背後都有它的小故事。
除了本地人,亦有日本人專誠找Alice改和服,改成頭飾、筷子套等等,能夠衝出香港,打入國際市場,Alice全靠手工精細,真心對待每件衣物。
由設計師化身成為改衫師,Alice覺得這個轉變,幫到人也幫到自己,「每一塊布都有它的生命,有它的價值,我只希望令每一塊布都可以物盡其用,找到真正需要它的主人。」

記者:馬小玲
攝影:李春風 謝致中
剪接:謝致中

相關文章:
【環保品牌踩過界 大埔開台飲店 色彩繽紛好吸睛】:
http://bit.ly/2KpMKQn

【台灣人研發甘蔗渣飲管 拒中國高價買斷技術】:
http://bit.ly/2ODI1hj

更多 飲食男女 文章

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載