蘋果日報 | APPLE DAILY
› 選擇地區
三藩市
紐約
洛杉磯
其他美國地區

【飲食經典】蘇施黃|瑞士汁雞翼美味之秘

12,060
建立時間 (HKT): 0912 09:00

天是公平的,你在某方面有天份,在另一方面卻像白癡。我常問我的歌星朋友們,怎樣去強記那些歌詞,他們常說,不用強記的,是一個故事,有畫面的。請問徐小鳳那首《深秋立樓頭》:「俯首低聲相對望共夜話,不計雨雪到我背後凝……」有畫面,但怎去記那些字呀?!都唔係我識嘅中文嚟嘅!
更喜歡聽才子像陶傑、劉天賜、梁文道講故事,講歷史人物講到好似佢老友一樣。一個腦怎可記那麼多東西?!不過文人多大話,其實他們講錯了我們也不會知道。
我最怕做司儀,我只可以做節目主持。司儀和節目主持最大的分別是司儀要記稿,有很多時要強記人名和機構名稱,最攞命,我絕不能強記,我只能打天才波。記得有一次和劉家傑主持節目,我竟叫「人大常委會」做「大人常委會」,劉家傑立即幫我兜:「……對!亞蘇,所有人大都是大人!」
不過天送了一條很敏感的脷給我,話說個多月前,我在家鬥地主,叫司機去買了些外賣,其中一樣是瑞士汁雞翼,工人端上碟我已經說:「乜咁色嘅?」,當然顏色不對,味道更差。一邊怨自己懶,顧住玩,其實自己煮好過啦!一邊就打電話去找人晦氣:「有冇搞錯,換咗大廚又唔出聲,啲瑞士汁雞翼不知所謂……」對方不甘示弱:「亞蘇,仲好講!你搞到我冇豉油買,你喺電視介紹完『鉅利』那支高級醬油,排咗幾日隊,連我哋都冇晒貨,要用另一種豉油,所以唔同晒味……」吓,對唔住,對唔住!!!
多年前,我是用淘大醬油的,做瑞士汁雞翼一流,可是他們不出了,出了翕仔頭抽,最初還可以,但過了三兩年又變了味!真討厭,結果放棄了瑞士汁雞翼,後來試到「鉅利」的高級醬油,perfect!又冇頭抽那麼鹹,頭抽要加三四倍的冰糖仍覺鹹,它不但味道好,上色又靚。大家可以試試,一樽醬油,一樽水,加大量冰糖,味道偏甜的,煲滾了,放雞翼去浸二十分鐘便可,絕不可預先煮定,一定要即煮即食!

鉅利醬園
地址:灣仔堅拿道西10號A
電話:25720844
營業時間:8am-6:30pm

(原文刊於2009年702期《飲食男女》)

蘇施黃Profile
資深電台人,天生異「口」,除了講嘢叻,食嘢同樣嘴刁,近年開咪、上電視做主持都不離教人食得精,吸引大批粉絲跟佢搵食。

立即免費下載《飲食男女》App : http://onelink.to/etwapp
《飲食男女》網站 : http://etw.hk

更多 飲食男女 文章

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載