› 選擇地區
三藩市
紐約
洛杉磯
其他美國地區
香港 台灣 北美
 

過億點擊率  Uwants零蚊起家

現時公司採用開放的管理模式,除了彈性上班時間外,公司內設有優閒區,可讓員工休息,採訪當日, Dicky(右)與同事一起打街霸,「工作環境 casual啲,咁先可以同員工打成一片。」
最後更新: 0808 10:44 / 建立時間 (HKT): 0731 00:00

現時網絡可以說是人類的第二世界,網上討論區更是不少人流連之地,瀏覽人數與金錢可以說是互相掛鈎,但 10年前這只被人視為不學無術的玩意, Dicky卻認為是一個機會,以一部家用電腦起家,成立 Uwants討論區,曾經零收入、到處叩門找廣告客戶、賣 tee籌營運經費的艱苦歲月,最終與香港討論區合併成一間公司,建立起每月過億點擊率的討論區王國。

根據 Google Analytics 13年 5月份報告, Uwants討論區瀏覽頁次每月超過 1億;據另一份 comscore 5月份調查, Uwants每月瀏覽人數 116萬,排全港討論區第二位,第一位是香港討論區(discuss)的 160萬,第三位則是高登討論區的 80萬。
Uwants現擁有約 3百萬會員,獲得如此佳績,一切來自創辦人 Dicky所花的 10年心血。 03年, Dicky剛大學畢業,便和一眾朋友創立了 Uwants討論區,「當時好流行 newsgroup,但係人都上得去傾,冇自己 嘅身份,又冇人去管理;我見討論區 嘅熱潮 啱 啱開始,只要登記成為會員就可以留言,每個人都有一個網上 嘅身份,可以集合一班志同道合 嘅人一齊吹水。最初 Uwants只有聊天區,其後見健康寫真好 hit,就加埋貼圖區,畀會員交流,之後再慢慢增加唔同 嘅類別。」
因管理討論區非常困身,所以 Dicky畢業後並沒有找長工,只做兼職寬頻安裝員,足夠維持生活支出,「見 Uwants個勢幾好,成立 1年已有約 15,000會員,覺得可以當一盤生意 嚟做。」
當時網上落廣告未算普及,但 Dicky和拍檔們都嘗試到處叩門找廣告客戶,「我 哋仲係𡃁仔邊識搵大公司 吖,惟有周圍搵客,好似去西九龍中心逐間鋪問,又 喺街問精品鋪、樓上 cafe,好多老闆見我 哋係𡃁仔都冇咩反應,我 哋最後出到$200落 1年廣告,終於有 8、 9間有回音。」

拍檔陸續退出

雖然有好開始,但拍檔們認為只有微薄收入,長此下去並不是辦法,決定退出,只有 Dicky繼續堅持。捱到 04年尾, Uwants會員人數發展至 15萬,對器材和人力來說已不勝負荷,「最初只用屋企部電腦 嚟做 server,但人流多 咗好多,家用機唔夠玩,之後惟有每月用$200租用 web holding嘅 server,不過都爆,試過 down機,要自己上去 recover番 啲數據,足足搞 咗 3日 3夜,之後仲病 咗添。」
由於經營辛苦, Dicky想盡方法賺錢,試過出 Uwants tee來籌集營運經費,「我問會員每件$100會唔會買?最初有 5百幾個話買,但到落實時只有唔夠 1百個回覆,我就嬲嬲哋話如果冇 100人買就關閉討論區,結果賣出 150件,都籌到足夠營運 1年 嘅錢,其實都好感謝班會員,令到我有動力做落去。」

廣告收入增加

於 05年對 Dicky來說,可算是一個躍進,一位廣告商向他投資了 6位數字的資金,「有 咗呢筆錢,可以租到更大容量 嘅 server;同時可以加大宣傳力度,當時冇討論區會落電視廣告,我就破格 喺宣傳易度落廣告。同時有 Yahoo及 Google提供嘅文字廣告,只要拉呢 啲廣告 banner落討論區,有人點擊廣告, Uwants就有收入。」
07年 Dicky促成 Uwants與 discuss的合作,兩大討論區合併成新的公司 Networld,「當時 discuss係 Uwants直接 嘅競爭對手,會爭廣告客戶,我唔想鬥平互搶廣告,咁對雙方都冇好處,於是約 咗對方出 嚟傾,最後決定合併成一間公司,唔使再惡性競爭,仲提高番廣告費用。不過兩邊都係獨立營運,唔會干預對方 嘅運作。」

分開瀏覽群

為了有利發展,吸引不同類別的廣告客戶, Dicky和其他股東想到將 Uwants及 discuss的目標瀏覽群分開,「 discuss嘅目標瀏覽群定係 25歲以上 嘅人士,而 Uwants則定 喺 16至 25歲,所以 Uwants嘅校園、遊戲版會做多 啲宣傳,吸引多 啲年輕人 嚟睇。
現時 Uwants主要收入來自網頁廣告,由於網絡發展成熟,網上廣告十分受客戶的重視,廣告的收益也愈來愈大,「 Uwants會喺網頁 嘅側邊闢出一格格 嘅廣告位,每日 嘅廣告費由數千至數萬不等,我 哋𠵱家唔會同客戶簽超過 3個月 嘅廣告合約,因為廣告費每月都增長緊,咁先可以保持到最佳 嘅收益。」
合併後, Dicky除了是股東外,同時出任市場部總監,負責推廣公司的工作,一如以往,他發揮對潮流的觸覺,找尋不同的宣傳機會,「我 哋會搵唔同 嘅公司合作,好似啱啱同康泰合作拍 咗部微電影就嚟推出,除 咗 喺 Uwants度播外,康泰會買電視廣告播呢部微電影,會見到 Uwants嘅 logo,個主角亦會拎住 Uwants出 嘅咕𠱸,做到宣傳效果。」

與 facebook並存

對 facebook、 twitter等社交網站的出現,最初 Dicky有擔心過討論區會受影響,「我 哋都擔心過社交網站會蠶食討論區 嘅版圖,但之後發現只係分薄 咗 啲人上討論區 嘅時間,冇分薄到人流。其實我 哋都有應變,除 咗推出 app外,仲將當日唔同版 嘅熱門話題放 喺當眼位,方便會員加入討論;同時加設可以將 啲 posts分享到 facebook及微博 嘅功能,借助呢 啲網站令我 哋可以有更多渠道俾人睇到。」
對於將來的發展方向, Dicky希望開發更多網站,「近年我 哋開發咗香港格價網、港車網方便市民查閱,呢 啲網站都好受歡迎,好似格價網每月約有 50萬瀏覽人數,而將來會開發其他題材網站,增加收入。」

後記︰ puzzle& dragon

Dicky身為 80後,問他如何與 80後員工相處,他笑說:「好多人認為 80後係一群好吃懶做 嘅一群,我覺得佢 哋可能係冇經驗,但好有創意,好似 喺討論區內加入手機遊戲 puzzle& dragon嘅版位,就係由 80後員工建議,佢 哋留意到𠵱家 hit啲乜 嘢,出 嚟 嘅效果好好,吸引到好多人入去討論。」記者亦是 80後,同樣覺得 puzzle& dragon十分好玩,可能都適合到 Uwants工作。

點入行?

每間網絡公司都需要市場部員工去做推廣事宜, Dicky說:「我 哋呢行好需要呢方面人材,做 marketing最緊要有創新思維,仲要緊貼市場,知道𠵱家興乜,一 啲都唔易做。」

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載