› 選擇地區
三藩市
紐約
洛杉磯
其他美國地區
香港 台灣 北美
 

90後工廈開菜園 體驗都市農夫生活

最後更新: 1219 15:52 / 建立時間 (HKT): 1017 19:00

香港人生活忙碌,想活得健康當然由飲食方面做起。近年綠色生活漸受追捧,90後的阿聰對健康有追求,看準商機,他代理了水培機,可水耕種植蔬菜,不會受到污染,並售賣由水耕種植的沙律菜,及讓客人租用水培機,體驗當城市農夫,希望在香港推廣健康的飲食生活。

MPP動點菜園位於長沙灣的工廈單位內,佔地1,500平方呎,佈置整齊乾淨,以鮮綠色為主調的鋪面,彷彿為灰白的工廈帶來幾分生機。老闆阿聰表示這裏是一間代理水培機及售賣水培菜的直營店,「水培機即採用室內水培種植技術種菜,人人都可以成為農夫,企喺度就可以等收割。」

店內售賣的水培菜主要是沙律菜,包括橡葉生菜、橡葉紅生菜、羅馬生菜、羅莎生菜及羅莎紅生菜等。所謂水培機是一個迷你溫室種植機,只要用人手均勻播下種子於定植棉及培植籃內,啟動機器便能自動偵測溫度、濕度及燈光,並需要人手定期添加營養液。以羅莎生菜為例,為期28天便能收成。

MPP動點菜園於今年3月開業,現時水培機能培植超過36種植物,以蔬菜、鮮花及香草類為主,體型過大或花生、番薯等屬向地性的植物均不能種植。阿聰表示香港人對水耕農業認識度不高,要靠員工細心講解,「有客人試過上嚟問部機可唔可以種中藥、靈芝。」客人除可選擇直接購買新鮮水培菜外,這裏還提供每月租機種菜計劃,「我哋有專人打理,客人等蔬菜成熟再上嚟收成。客人亦可選擇買部機返去自己種。」

賣機店過半生意

在價錢方面,新鮮水培菜每150g售$28,客人可選擇購買菜咭來換購新鮮水培菜,10次收費$250。租機種菜的價錢則為每月$1,600。垂直水培種植機共分為Keisue1.0、Keisue2.0及Keisue3.0桌面種植機,售價分別為$12,100、$12,520及$1,200。阿聰表示:「我哋嘅客源主要係附近返工嘅辦公人士及家庭客,我哋仲有供貨畀餐廳及酒店,生意比例為55%賣機,30%租機,賣菜及其他佔15%。」

今年23歲的阿聰,於香港科技大學修讀數學系,他熱愛田徑運動,由中學開始,玩了近10年。「讀大學後,我上網留意食乜嘢可以健康啲,對自己玩運動有好處。咁啱嗰期新聞成日報導蔬菜、土耕有問題,食到人病晒,再上網搵資料就開始留意到水耕,仲可以喺工廠大廈種植。」

16年畢業後,阿聰曾經任職理財策劃師及健康產品銷售員。期間阿聰上網搜尋發現,中國航天180計劃利用水培機於太空進行種植,「由於香港地少,農業比較難推廣,大家又驚食到受污染嘅菜,呢部機符合到香港人嘅需要。」找到目標,阿聰便寫了計劃書找投資者,最終獲得本地農業批發商願意投資,之後他一個人膽粗粗上深圳與代理傾談。

返深圳學種菜

對於水耕,阿聰始終是一位門外漢,所有知識都需要從頭學起,「代理要求我最少訂100部,先肯同我合作。之後我住喺深圳一個月學用部機及種菜,每日紀錄數據及試種新品種,開頭連菜嘅種子向上定向下發芽都唔知。試過一次,我以為落多啲營養液,蔬菜會生長得快啲,結果一夜之間所有菜生青苔死晒,原來種菜都唔可以操之過急。但第一次食到自己成擔心機種嘅菜,都好開心。」

回港後,阿聰決定把MPP動點菜園開在長沙灣的工業大廈內。「由於水培機都佔用地方,加上需要穩定供電,比起地鋪,工廠區似乎較為合適。我做過資料搜集,長沙灣工業區交通都好方便。」開業後,阿聰找來一些好友幫手,又聘請了幾位員工,自己主力負責研究及投資,不時要中港兩邊走,「我哋唔係請專業務農嘅人,畢竟香港現時都冇農業讀,我哋主要請有銷售、管理經驗及marketing嘅人嚟幫手。因為我想管理好公司嘅運作,銷售方面可以解答客人嘅疑難。」  

工作坊推廣水耕

阿聰本想以售賣水培機作主要業務,但要推廣便需令大眾先知道甚麼是水耕,「所以我推出咗一系列雜菜盒,仲賣埋有機醬料,方便附近返工嘅人士過嚟買。每個星期仲會舉辦親子互動工作坊,每位收費$280,參加者體驗過都市務農嘅樂趣,試過自己種菜,先可以賣到機。」

現時動點菜園的生意開始漸上軌道,阿聰希望多做推廣及與其他企業合作,「之前我哋有贊助菜咭畀『運動改變人生機構』,鼓勵運動員換購產品之餘,希望畀更加多人認識我哋。就好似我哋個名,喻意係一個個點,唔止長沙灣,想18區都有分店,方便所有香港人,真正將水耕帶入每個人嘅屋企。」

店內種植以沙律菜及香草為主,一般沙律菜收成期為28天。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載