蘋果日報 | APPLE DAILY
› 選擇地區
三藩市
紐約
洛杉磯
其他美國地區

練刀功學用鏟 開鐵板燒店

2,025
建立時間 (HKT): 1031 16:30

料理動畫《食戟之靈》來到了第3季,當看到主角製作各國料理時,都禁不住想一同參與,學習製作美味的食物。在現實中,若對日本料理有興趣,可報讀坊間的短期課程,以增加對行業認識及增進烹調技巧。今年28歲的Marshall,曾修讀有關鐵板燒烹飪證書的課程,學習製作鐵板燒的技巧,包括刀功、用鏟技巧及處理不同食材的方法等。修畢課程後,他開設了鐵板燒快餐店,可以真正跟客人說聲:「お上がりよ!( 請慢用)」

15年,Marshall於深水埗開設的板上,是一間以鐵板燒為主題的快餐店。Marshall曾到美國修讀汽車設計,回港後便替家人打理菜檔生意,「自己一直都想創業,觀察到日本料理喺香港好受歡迎,見當中鐵板燒店比較易上手,就報讀國際廚藝學院新開辦嘅鐵板燒烹飪證書課程,先學用鏟嘅技巧及製作鐵板燒嘅流程,之後就正式創業。」

鐵板燒猶如表演

Marshall表示製作鐵板燒猶如一場表演,因要在客人面前製作,故準備工夫要做足,「導師會教我哋預先切好晒啲材料,唔好喺客人面前先嚟切,製作亦會流暢啲。課堂上,我仲學到處理唔同食材嘅技巧及相應刀功,例如切茄子要先切花,入面先會容易熟;用鐵板燒專用嘅叉喺鐵板上剝蝦殼;處理牛扒時,要入面熟,外面又唔老,可以用sake mushi嘅方法,即喺肉度落酒後,即刻用個蓋罩住,牛扒入面就會快啲熟。」

做洗板動作

有20年從事鐵板燒料理經驗的導師Kumer表示,課堂上會先讓學員了解食譜,再作示範,然後每位學員都有製作的機會,「我會教學員整雞肉炒飯、炒拉麵、蛋包飯及牛扒等料理,仲有教製作過程要注意嘅事項,包括保持鐵板喺110度至120度,不時要做洗板動作,保持鐵板嘅清潔,客人先會食得安心。」

學員修畢為期兩個月的課程後,學院就業組會推薦學員到日本餐廳工作,導師Kumer說:「學員亦可以選擇修讀壽司製作班和日本菜烹飪證書兩個課程,對日本料理了解得全面啲,畢業後有機會去酒店工作。」初入行的鐵板燒廚師的薪金, 約為$11,000至$13,000不等。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載