› 選擇地區
三藩市
紐約
洛杉磯
其他美國地區
香港 台灣 北美
 

夫婦設計AR喜帖 從撞板中學習經營

建立時間 (HKT): 1211 19:00

現今流行AR( 擴充實景)、VR( 虛擬實景)及MR( 混合實景)等技術,不論電腦遊戲,還是手機遊戲,用上此等技術都能風靡一時。雖然AR技術大多應用於遊戲上,但其實也可應用在其他層面,80後夫婦Roy和Coby早於4年前已洞悉先機,開設Creote Studio,用AR技術製作喜帖。賓客透過app掃描,便可看到立體的新人在喜帖上說話,十分有趣。他們指隨着科技的普及,大家對AR喜帖的興趣有所增加,把喜帖由平面帶到立體,令新人與賓客的距離拉近,提高互動性。

製作AR喜帖起家的Roy和Coby,已結婚近4年,他們回想創業之始,只為了讓自己的婚禮能別樹一幟,「為型囉!因為5年前喺設計活動上,初次認識AR技術,外國有人用嚟造喜帖,我哋都好想用嚟造自己嘅喜帖,於是就同Coby學整。」

現時Creote Studio的AR喜帖服務,收費由$3,000起,製作一般需要10個工作天。AR喜帖會提供20個場景給客人選擇,包括城堡、遊樂場、機場、課室、沙灘及舞台等,當中以城堡最受歡迎。Coby表示:「客人可以自行印製喜帖,然後由我哋設計AR立體喜帖嘅部分。首先,佢哋可以揀咗心儀嘅動態場景,再自行準備服裝及道具,我會幫佢哋拍一段30秒至1分鐘嘅短片,內容大致係話畀親友知佢哋要結婚啦,邀請大家去飲。我哋亦可以為客人度身訂造場景,視乎複雜程度而決定收費。」

AR 喜帖互動性高

用指定手機app掃描平面的喜帖後,在電話中便彈出立體的場景與一對新人,新人更會讀出一段邀請語句,好像與收帖人在對話一樣。Roy表示:「以AR形式邀請賓各參加婚禮,互動性高啲,又可以令人有深刻嘅印象。」

Roy本從事科技市場調查的工作,而Coby則是產品設計師,12年於工作上接觸到AR展覽,而有設計AR喜帖的念頭,Coby表示:「我哋見到示範嘅宣傳品有單張及小冊子等,咁啱我哋計劃結婚,諗到可以應用喺喜帖上,於是就着手研究。」

Roy和Coby作為自己產品的第一用家,在舉行婚禮時,有不少賓客好奇詢問,見反應不錯,婚禮後更有賓客邀請他們為其製作喜帖,AR喜帖便成了2人創業的契機。Roy說:「我哋check番數據,有7成賓客睇過條片,平均每人起碼睇咗10次,相信大家對呢樣嘢都有興趣。」

8月參展人流少

13年,他們成立Creote Studio,因2人有編程及繪圖底子,故學習寫app及3D繪圖都很快上手,比起製作硬件,他們覺得了解婚宴市場才最有難度,要在不停撞板中摸索學習。「除咗透過網站及facebook宣傳外,我哋仲參加咗婚紗展。第一次參加婚紗展,因為唔知淡旺季,我哋揀咗全年最淡嘅8月參展,人流超少。」

但這次經歷卻為他們帶來了意外的收穫,Coby說:「我哋打算先以B to C形式宣傳,但人流少,喺冇客嘅情況下,反而畀到機會我哋與同場嘅緍紗鋪及酒店負責人交流,促成日後合作嘅機會,變咗由B to B開始。」客人在酒店擺酒時,會附送AR喜帖服務,令Creote Studio的曝光率增加,同時得到穩定的客源。

沙灘景冇人吼

先是宣傳與預期效果不一樣,連客人口味都要慢慢揣摩,Roy表示最初只有7個場景供客人選擇,「參加咗兩年婚紗展,客人通常表示鍾意浪漫嘅場景,我哋就設計城堡、希臘及巴黎等場景,我哋仲設計埋沙灘,諗住實大賣啦!點知到現時為止,只係得一個客揀過沙灘……」

除了沙灘的例子外,Coby指亦有場景是意料之外受歡迎,「課室景嘅受歡迎程度僅次城堡,有啲客仲會帶埋校服嚟拍片,可能嗰排電影《那些年,我們一起追的女孩》好hit,所以就多人揀。」明白了時令主題會大賣的道理後,他們會多留意電視及電影流行甚麼,而進行場景設計,如播映劇集《衝上雲霄》時,他們便推出機場景,反應不俗。

後製不是萬能

每次拍攝前,Roy和Coby都會先與客人詳談,一方面了解他們的故事,一方面提供可行的拍攝方法,Coby表示:「與客人溝通最大困難係,好多人都會以為後製係萬能,執瘦拉長嘅效果都以為好容易做到。但我哋會盡量解釋及盡力做到客人想要嘅效果,試過有位客人話想喺鏡頭外行入鏡,但當key喺張咭入面時會cut走塊面,所以我會提議佢哋原地跳一跳,之後再幫佢哋剪成跳入鏡嘅效果。」

生意漸漸上軌道,現時每月約接20單喜帖生意,客人以20至40歲為主,旺季為冬天月份。Roy表示發展喜帖生意的同時,他們亦與復康中心、老人院及電影公司等機構合作,製作AR、VR及MR的用品、儀器及宣傳品,月賺約8萬。雖有點成績,但他們亦希望與時並進,「香港人一提到AR及VR時,都以為只係遊戲上用到,但其實外國可以將AR應用喺建築、醫療及工程上,希望日後能夠同更多機構合作,研究AR喺實用層面嘅可行性。」  

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載