蘋果日報 | APPLE DAILY
› 選擇地區
三藩市
紐約
洛杉磯
其他美國地區

搞智能理財app助港青追夢 台女做過百次訪問搜集資料

3,130
最後更新: 0728 16:45 / 建立時間 (HKT): 0728 10:00

香港樓價貴得驚人,80、90後買樓夢遙不可及,很多人寧願花錢去旅行,好好享受人生。無論你目標是甚麼,少不免要做好儲蓄及規劃,才能用得其所。27歲台灣女生Jessica約10年前移居香港,見盡身邊人及自己為錢和理想而憂愁,今年初加入初創Fintech公司Planto,她參與製作及推廣同名的智能理財應用程式,希望幫助年輕人用最簡單的方法,計劃實現目標的理財之道。

採訪當日,記者來到香港大學創新及創業中心「iDendron」,這個共享工作空間容納了十多間初創企業,近門口第一間是Planto。Jessica與行政總裁Ankit Suri介紹了Planto的功能,分規劃目標及理財預算兩大部分,「喺現有版本中,用戶可規劃買樓、旅行兩種目標,之後會加入兒童教育及自訂目標功能,規劃由買樓至買iPhone等目標嘅儲蓄計劃」。

追蹤財政狀況

Planto應用程式用戶可根據用戶輸入的收入、每月儲蓄等數據,計劃他們的上車夢。Ankit說:「用戶可以揀想住邊一區、乜嘢類型屋苑及單位,Planto會計算目標是否可行及點先可以實現,如每月要儲幾多錢、儲幾耐錢等。用戶同樣可輸入旅遊目的地、住宿等要求,計劃旅遊洗費。設定好計劃後,應用程式會自動追蹤目標進度。」為節省輸入數據時間,加上不少大懵及忙碌的人可能連自己有多少身家都計不清,Planto可連結8間本地銀行賬戶,方便用戶了解自己日常儲蓄及開支,按實際財政狀況計劃目標。

夢想做李嘉誠

Planto的電腦程式部分由Ankit等3位創辦人主理,Jessica則從收集用戶意見、宣傳、招聘等工作都要一腳踢,至今共訪問超過100位香港年輕人對理財及人生目標的疑難。「我經朋友介紹,或者喺facebook度主動搵被訪者,為訪問由天水圍至柴灣都去過。好多人目標都係想買樓,但覺得相關資訊好散亂,唔知點樣計劃;有人話好想儲蓄,但因為怕麻煩而冇計劃」。她亦走進香港多間大學、旺角街頭等,拍訪問短片作宣傳之用,令她感有趣的是「好多人都話夢想係做李嘉誠」。潛在用戶的意見對改善應用程式非常有用,「喺訪問過中,發現好多人認為結婚策劃係麻煩事,我哋正考慮緊喺Planto加入呢項功能」。

認定香港有前景

因父親工作在外地工作的關係,Jessica在新加坡出生,又曾隨父親到英國定居,06年到香港升學,6年前於香港大學會計及金融學系畢業,先後在本港的銀行及金融機構工作。「我一直有幫慈善機構做義務顧問,希望從事幫到人嘅工作。喺銀行工作時,認識到當時仍係同事嘅Planto創辦人。佢哋去年11月成立Planto,我今年3月開始喺度全職工作」。

對台灣人友善

雖然Jessica的英文、廣東話及普通話都十分流利,但因家族有荷蘭血統,令她的外表不太像台灣人或香港人,不時被問及國籍,「有時被訪者知道我係來自台灣,都會十分驚訝,訪問角色馬上調番轉。幸運嘅係,香港人對台灣人非常友善」。她認為香港是發展事業的理想地方,「喺startup工作乜都要負責,差唔多每日OT,但工作彈性高、挑戰大。香港係個充滿機遇嘅地方,留喺度發展好啱我自己」。

測試版8月推出

Planto的iOS及Andriod測試版即將於8月推出,Jessica與團隊正為宣傳密鑼旗鼓,「最近去咗灣仔會展舉行嘅創科活動『RISE』,認識多啲行內人及介紹我哋公司,唔少人都話幾鍾意我哋個app,反應算唔錯。另外亦嘗試緊聯絡大學,希望合作舉辦理財講座等活動。理財本身係幾個人嘅事,我哋希望能與用戶建立信任及共同感」。

Planto網站及登記試用連結:
https://www.planto.io

搵好工,即上 http://www.ecjobs.com.hk

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載