› 選擇地區
三藩市
紐約
洛杉磯
其他美國地區
香港 台灣 北美
 
2006年11月26日

新車出閘:南非沙漠研製新smartfortwo嚟啦!

●新款smartfortwo喺南非嘅沙漠地區試車,以測試新車嘅耐用性。

早前坊間有消息指出,話有2部全車貼滿黑膠紙,兼且酷似新款smartfortwo嘅迷你車,喺南非嘅沙漠地區走嚟走去,唔知做咩咁話;哈哈,呢個消息真係無錯,因為新車的確曾經喺當地作測試,而廠方仲喺日前正式公布咗關於新車嘅細節㖭!
記者:鄭達基

秉承原來Cute設計

廠方設計呢款曾經喺南非作實地測試,以收集各項數據改善品質嘅新一代smartfortwo,刻意將原來至Cute迷你車嘅Style保留,但外觀上仍有多項改動,例如長度增加190.5mm、新款頭燈及鬼面罩,就連尾燈都用咗新Design,令整部車望落去要更加得意同Cute,誓要吸引到一班女Fans咁話。至於我最Buy兩款車邊一Part?我會答你係Coupe版嘅天幕式車頂,同埋Cabrio版嘅電動軟篷頂,皆因兩者皆可跟情侶曬月光之用,後者更可親近大自然多一點㖭。

車廂引擎也變了

新推出嘅fortwo,整個車廂嘅陳設都變得方了,無咗以前嗰種方得嚟帶點圓渾嘅設計,望落去嘅觀感好得多;而一雙承托力甚豐嘅跑車座椅,則被保留下來。引擎方面,廠方為新車安排嘅1.0公升直3型號,馬力輸出增至61至74匹,用嚟驅動呢部小車根本無難度。新車要到明年4月才登場,唔知香港幾時有得賣呢?

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載