› 選擇地區
三藩市
紐約
洛杉磯
其他美國地區
香港 台灣 北美
 
2017年01月20日

【新年洗車】最隱秘洗車暗位 你漏咗幾多個?

好多車主洗車會親力親為,大多因為嫌洗車屋唔夠袜淨。不過有洗車屋就想打破慣例,賣「精洗」吸引客人,Pro-Car汽車美容修護店創辦人馬振豪Marco:「香港車主有兩類,第一種是求快,第二種是求質素。

相關新聞:【新年洗車】實試自動洗地毯機 快過烘多士 咖啡迹都洗走

大部份洗車屋都是賣快,所以我們想賣精,所謂精,就是窿窿隙隙都幫你抹埋。」洗車屋內裝了高壓水槍風槍、天花有花灑及風機,地面就裝了高壓水搶,幫襯一般洗車,也會順手幫你洗埋車底。Marco:「平日駕駛時會有路面上的柏油,還有泥及積雨,酸雨會慢慢侵蝕車底零件,如果用高壓水力沖一沖,便可減少保養。」實試時沖出來的水的確十分污糟,所以如果自己洗車,都用水喉盡量沖一沖啦。

除此之外,車身內內外外有很多隱藏位,車主洗車時都經常忽略,包括椅底、門校、尾廂膠邊等。先說清洗車廂,椅底及路軌位藏塵嚴重,最好用氣槍或小掃弄塵垢出來才吸塵。其次便是中控台的窿窿罅罅,先噴內飾清潔劑,再用小掃及毛巾清潔縫隙,包括冷氣口、軚盤中間軸柱、中控台及門邊按鈕等。Marco:「抹車廂,只要選擇中性清潔劑便可,如碧麗珠,能同時抹梳化及中控台。」洗完車廂到洗外殼, Marco:「好多車主都唔會洗門鉸、尾廂上面的頂邊,尾廂頂膠邊經常藏樹葉沙塵。基本上洗車時,只需用小掃順手掃一掃,再沖水便可。多做一小步,部車企理得多。」最後便是洗軨,一般車主或洗車屋只會洗外軨,Marco就提醒一定要用長毛刷洗埋內軨,之後才用毛巾手套洗外軨。因為內軨藏了不少逼力彈出來的鐵粉,所以洗軨液選擇可除鐵鏽的產品會更佳。

查詢︰Pro-Car汽車美容修護店(九龍官塘偉業街151號)
洗車包括吸塵、抹梳化及內櫳玻璃:五人車收費$180、七人車收費$240

記者:許維雅
攝影:梁志永

2017果籽繼續認真知味。識買惜用。行以求知。好事多為。重修舊好。
緊貼果籽報道,即like: http://fb.me/AS.AppleDaily

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載