› 選擇地區
三藩市
紐約
洛杉磯
其他美國地區
香港 台灣 北美
 
2018年04月13日

【騎呢TA】飛的上欄未算奇 半架車插入二樓人冇事

日前九龍灣發生的「飛的」事件實在相當匪夷所思,衝出油站卡在行人隧道上面堪稱奇景,好在無途人中招,司機也只是輕傷,最後變成一個笑話,網民亦都唔留手出力恥笑同改圖,斷估已成功打入了本地騎呢TA(traffic accident)名冊。

除了「飛的」,馬路上當然還有很多同樣估佢唔到、諗極唔明的TA,其中一單印象好深的,是年初在美國南加州有部私家車車頭插了入一楝平房的二樓,奇就奇在附近既無天橋亦都無其他高的建築物,要由平地飛上二樓再插到實的確勁過拍戲。事後司機話原來是炒上了行車線之間的石壆再飛起,才能夠完成這個高難度動作,至於點解會咁呢?咪又係藥駕累事囉,好在司機同乘客都只是輕傷,亦都無傷及無辜。

另一單幾年前發生在四川的就比較另類,不是部車位置騎呢,而是出事司機騎呢。話說開運沙泥大貨車的男司機撞車後被困車內,駕駛席壓住自己一隻腳以為有截肢危險,居然出手阻止消防員救援,要先打電話問老婆如果得番一隻腳還愛不愛他,好在老婆話愛,消防員才可以開工救人啊。最後搞足半日先救到他出來,亦都好彩不用截肢,網上圖片見到救援過程中他都不忘淡定煲煙的畫面,真係令人哭笑不得。

撰文:Dolly Lam

全新旅遊專頁,即like籽想旅行: https://fb.com/travel.appleseed

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載