› 選擇地區
三藩市
紐約
洛杉磯
其他美國地區
香港 台灣 北美
 
2002年03月08日

選校勢利眼 - 左丁山

讀者Y先生來電郵問左丁山對於選大學嘅意見。Y先生位Y公子喺英國讀中七,已得五間大學「有條件收納」,其中一間係名氣好大嘅倫敦帝國學院(ImperialCollege);Y公子預備讀數學,佢認為帝國學院位於倫敦市中心,人流複雜,亞洲學生太多,住宿環境唔夠好;反而另外一間布里斯托Bristol大學在數學方面有名氣,校園環境好,住宿亦佳,所以想去布里斯托。
Y先生,左丁山雖然講理想,亦講現實,選大學冇法子唔帶一啲勢利眼。前年世姪女讀商業?財務碩士,想話去曼徹斯特,唔去LSE,我哋成班世叔伯一齊叫唔好,世姪女選曼徹斯特嘅理由,與Y公子完全相同。但返到嚟香港、亞洲做事,LSE梗係知名度高好多啦;後來世姪女卒之入咗倫敦經濟學院,畢業返嚟立即有工做!去美國英國讀書,有啲大學嘅某學系好好,唔到你唔認,但在英美工作,人哋啲公司就識貨啫;返到嚟東南亞,識鬼咩,尤其是香港啲僱主,人力資源經理,以至大摩小摩,好鬼勢利眼,喺著名大學畢業,着數好多好多。Y公子讀數學,將來如果讀埋博士做教授嘅話,先入布里斯托打好根基,冇所謂。如果將來返香港搵工做,唔使諗,一定入Imperial。Y先生不妨搞清楚你位公子嘅前途計劃先。

左丁山

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載