蘋果日報 | APPLE DAILY
› 選擇地區
三藩市
紐約
洛杉磯
其他美國地區
2002年05月28日
馬上成為壹會員

奧地利商人 - 左丁山

記得早一排,立法會議論警察高調上門拉梁國雄(唔係廉記先至識高調拉人),保安局局長葉劉淑儀為政府辯護之時,讀出一封奧地利商會嘅信件,當然係支持特區政府鎮壓示威啦,唔係讀嚟做乜。如果奧地利商會代表外國投資者意見,網上留言又有冇代表性呢?大評論家W話佢喺互聯網讀過唔少批評警察嘅意見,點解葉劉淑儀會睇唔到?
睇公眾輿論,高官慣咗鍾意睇「親善」嘅,冇理「可惡刁民嘅」。奧地利人之中,喺香港最出名嘅一位人物,就係包玉剛爵士女婿蘇海文,佢曾經做過立法局議員,同政府高層好熟絡。
大評論家W話:「奧地利人民去年選出一個新總理,係勒龐之類嘅人物。法國人思想自由,群起投票反對勒龐,支持希拉克。但奧地利人就選出一個勒龐同路人,你話佢地嘅思想係唔係特別保守?」一言驚醒,唔怪得奧地利商會會發信支持葉劉淑儀。記得奧國總理受盡歐盟國家反對,冇領袖肯同佢做老友。估唔到特區政府視奧國商會為友。
其實現時政局未定,重未知邊個做部長,好多政府事情都唱晒慢板,延遲推行,所有委員會,高官下屬都想睇清楚,乜誰做乜局局長,先至決定政策何去何從。一位回流精英同左丁山講,「現時政策階層,接近癱瘓,最好就係放假一個月睇世界盃,𠵱家日日返工唔敢做嘢,好慘!」

左丁山

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載