蘋果日報 | APPLE DAILY
› 選擇地區
三藩市
紐約
洛杉磯
其他美國地區
2006年06月25日
馬上成為壹會員

鬧人最爽神 - 左丁山

即使真係有少量二噁英,工程上並非不可克服問題,至於造價五十二億是否太貴,建築邦感歎話:「香港只有地產商發達,建築商得個做字,搵食艱難。全世界都可以嚟香港投標,政府工程搶到爛,邊度會貴吖,從來都喺投標之時最有競爭力嘅價格。如果話費用比鄰近地區貴,主要因為我哋人工,由工程師至散工,都係高過鄰近地區。議員如果嫌工程費貴,咪輸入外勞囉。到時又一樣畀啲議員鬧死,話剝削本地員工!總之貴又鬧,平又鬧,議員一味識鬧!」
講到教育,一樣如是。以前大學學位少,好多人鬧大學製造特殊階層,應該增加學位,否則香港唔夠人才;到大學每年收生一萬四千五百人,好多人又鬧話大學為膨脹而膨脹,重量不重質,大學生水準差。以前經濟不景,社會上有好多雙失青年,有人鬧政府拿不出辦法來,於是政府推出毅進計劃、副學士;𠵱家又有大學校長鬧副學士粗製濫造(其實佢嗰間有啲副學士課程超收學生),究竟雙重標準何時了?

左丁山

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載