› 選擇地區
三藩市
紐約
洛杉磯
其他美國地區
香港 台灣 北美
 
2006年07月10日

簡文樂CBE - 左丁山

消息傳來,阿Paul得到英女皇頒授勳銜,已經去咗倫敦,喺七月十二日入白金漢宮,接受女皇伊利沙伯二世御賜CommanderoftheMostExcellentorderoftheBritishEmpire(簡稱CBE)榮銜。佢成班老友預備喺七月十三日在《南華早報》刊登廣告去賀佢。左丁山問一位老友:「究竟Paul簡點解會得到英國政府欣賞?」老友話:「因為簡生過去多年在商界發展,科技開放及管理倫理(managementethics)各方面有卓越貢獻。」
攞英國CBE銜,並不容易,以往港英年代,要一啲資深行政立法兩局議員先至攞得到,再上一級就攞爵士。香港回歸之後,大家差不多唔記得咗甚麼MBE、OBE、CBE咯,只知銅紫荊、銀紫荊、金紫荊,大概CBE就等於金紫荊啦。簡文樂係香港人,喺香港做生意,特區政府有冇畀佢紫荊勳章,左丁山唔記得咁多,英政府頒授畀佢CBE,英國認真識貨。講起嚟,簡文樂係中大三年制MBA畢業生,佢位中大MBA校友周松崗(地鐵CEO)喺2000年得爵士勳銜,𠵱家輪到佢攞CBE,中大MBA校友會應該設宴賀一賀。

左丁山

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載