› 選擇地區
三藩市
紐約
洛杉磯
其他美國地區
香港 台灣 北美
 
2013年01月28日

擴建維艱 - 左丁山

中貿林看了一月二十三日本欄講金發局空議論,來電取笑左丁山simple and naive,佢指出金發局成立之議,最初來自中資金融機構要員,那會係成班精英坐埋一齊討論國際學校是否有足夠學位咁簡單。現在金發局成立,畀你班「梳化評論員」罵得要死,只好暫時退卻,將來必有宏大圖謀,三年後方見真章。
中貿林走遍中國二十九省市,對國情之了解,多過「中環鄉下仔」左丁山二十九倍,故此對金發局之宏大前景,唔敢同佢拗,不過可以話俾佢聽,中環只是一條小鄉村,高層精英互相認識,唔信就入去香港會食午餐,見識下午飯時間佢地是否起身握手五、六、七次與朋友或同行打招呼,因是之故,交換意見唔駛正式坐埋開會。左丁山暫時得到嘅消息就係金發局因名不正,言不順,搞到精明如查太都搞錯咗一兩日先至出來認錯,你話查太俾人搞到暈晒吖,還是故事情節改得太快,令查太追不上劇情發展?現在金發局正在招攬金融界資深人物入局做小組委員,一啲有頭面嘅人物就係怕咗將來唔知搞邊科,一於按兵不動,唔肯應承住。
金融業除咗人才之外,硬件資源並無多大作用,今天的人才是世界流動的,大趨勢係從冇生意地方流去有生意地方,從高稅率地方流往低稅率地方,從空氣污染、教育不佳地方流往空氣好、優勢學校學位充足嘅地方。按牌面應該係歐美流來香港,偏偏香港空氣差、學位不足,於是新加坡在後面猛咁執雞,掩住嘴笑,對此問題,左丁山講完又講,總係人微言輕,難有作用。
香港人鍾意送子女入國際學校,與外國人家長爭奪學位,國際學校想辦法應付新增需求,自然要擴充擴大,但淺水灣國際學校(美式)在淺水灣覓地擴校,被居民反對(因影響景觀),到柴灣搵地建新校園,就到家長反對(因柴灣交通不便、空氣污染、聲音嘈吵),於是呢間HKIS擱置擴建計劃,令輪候入學者好無奈。英基學校話要在鰂魚涌山上興建校舍,遭環保團體與附近居民反對,認為破壞郊野生態,有人話香港有大把地喎,講古咩,有地不能用,即係缺地啫。

左丁山

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載