› 選擇地區
三藩市
紐約
洛杉磯
其他美國地區
香港 台灣 北美
 
2013年12月17日

蛇馬交替搵吉日 - 左丁山

馬年將至,蛇年將逝,古老人家在此時間有好多習俗要跟隨,但時至今日,香港已徹底城市化,好多習俗難以逐一做,久而久之,已逐漸為人淡忘。
易學會會長傅沛基先生(下稱傅會長)對蛇馬交替之間嘅主要日子,有如下指示,信者可試行,不信者自得其樂,唔好鬧。
尾禡:按例係農曆十二月十六,即2014年1月16日,當日為丁亥日開月,亥為豬,巳為蛇,適逢巳亥相冲,冲太歲嘅日子,在此日拜神吃尾禡飯,當然不宜,傅會長建議提前在2014年1月14日(十二月十四),即乙酉日成日吃尾禡飯,吉時係申酉時(下午三至七時),不過老闆伙記如係在巳卯年、丁卯年出生,不妨在拜神時避一避,行開一陣先。上一次巳卯年係1999年,再上一次係1939年,丁卯年係1987、1927。
謝灶:在2014年1月23日(十二月二十三);口訣為官三民四蜑家五,民四即1月24日,適逢破日,諸事不宜,平民百姓不要在此日謝灶,不如在1月25日(十二月二十五)丙申日危日,時辰由申時至戌時皆吉(下午三時至晚上九時)。如在農曆十二月廿五謝灶,庚寅年、壬寅年生人要避一避拜神。
團年及大掃除2014年1月26日為丁酉日成日,最好先行大掃除,然後一家團年,吉時係午時(十一至一時),係星期日飲茶時間,晚上就係酉時(五至七時)吃晚飯時間,唯辛卯癸卯生人不宜,要在拜神時避開,點解不在年三十(1月30日)團年呢?傅會長話當日為建日不算係好好日子,年廿九(1月29日)更係閉日,唔掂,故此在1月26日星期日團年係最佳選擇,但恐怕如在外吃飯訂位,會非常困難!
做冬在2013年12月22日(每年做冬皆是12月22日),此日係壬戌日開日,民間習慣在晚上家人吃飯,吉時在戌時(七至九時),俗語有云砸年窮砸冬富(砸者,壓也),可用芹菜、葱、鯪魚、擺放在米缸之上(即放米地方),再以芹菜、髮菜、葱、鯪魚放在神枱,取其勤力、發財、聰明、有餘嘅意頭。

左丁山

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載