› 選擇地區
三藩市
紐約
洛杉磯
其他美國地區
香港 台灣 北美
 
2014年04月26日

FT飯局 - 左丁山

公關大哥華德前星期吃午飯時介紹左丁山睇金融時報出版嘅「Lunch with the FT」,佢大力推薦,話記者訪問世界名人,除文筆優雅之外,內容十分豐富,每一位受訪名人都係非常有頭有面嘅人士,有著名藝術家、時裝設計師、大富豪、IT神童諸如此類,睇書可以學到大把嘢。呢本書當然係將每星期六出版嘅「Lunch with the FT」之精華輯錄而成,世界一流記者訪問世界級人物,當然好睇之至。
上星期六與FT吃午飯之名人就係左丁山讀研究院時,讀佢嘅國際經濟貿易論文讀到苦瓜口面嘅Jagdish Bhagwati,教授預言此君他日必定攞諾貝爾獎,要我地專心學習,此位印度裔經濟學大師今年79歲咯,仍然攞唔到諾貝爾獎,佢出生於一個大家庭,父親係印度最高法院法官,薪水不高,父親治家甚嚴,全家一律吃素,用錢極為節儉,衣食住行皆有控制,只有一個例外,就係七兄弟姊妹可以在住宅區內一家書局開一個戶口,買書一概由父親找數,巴格威提教授話:「家庭傳統就係教育最優先。」
有此關係,巴格威提在孟買讀完中學就考入劍橋大學,本想讀梵文,但父親話:「那不是窮家子的選項!」於是在劍橋攻讀經濟學,1950年代劍橋大學經濟系有著名馬克思經濟學專家Joan Robinson,因名氣太大,影響所及,經濟系內充斥社會主義味道,巴格威提竟在此環境下成為一個自由貿易大擁躉,恒常主張經濟增長優先,分配其次,剛與另一位著名印度經濟學家A.K. Sen(81歲,劍橋博士,哈佛哲學及經濟教授)相反,故此經常與Sen發生口水戰。每次有人訪問巴格威提,都會問佢仲有無希望攞諾貝爾獎,不讓1999年嘅A.K. Sen專美,今次FT又問佢,佢話已經睇化晒,一切隨緣,講係咁講,其實心裏有條刺,不無遺憾。今天經濟學界,政治潮流唔興講自由貿易與增長為先咯,諾貝爾經濟學獎近年傾向頒俾數學型(博奕理論)、實用型(財務學研究)及行為型嘅經濟學家,巴格威提之時代似已過去了。歐美經濟學術界之最新超級巨星就係法國巴黎經濟學院嘅Thomas Piketty,42歲,佢寫咗一本700頁書本叫做「廿一世紀資本」(Capital in the Twenty-First Century),法國暢銷,哈佛出版社譯成為英文,竟然在亞馬遜賣斷市,轟動大西洋兩岸,呢位先生,就係有社會主義人物。

左丁山

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載