› 選擇地區
三藩市
紐約
洛杉磯
其他美國地區
香港 台灣 北美
 
2014年05月17日

梅鐸到馬場 - 左丁山

美國賽馬盛事,肯特基打吡賽,今年已是第140屆,在美國東部時間五月三日下午六時二十四分舉行,是日跑十三場馬,打吡賽編在十一場,入場觀眾有十六萬四千九百人,比2012年的歷史紀錄十六萬五千三百人略少。賽馬地點在Churchill Downs Racetrack,位於肯特基州路易士維爾Louisville市。
今年的十六萬多入場觀眾中,有一位特別受人囑目,就是新聞集團的大股東,傳媒大亨梅鐸。較早時,他發現妻子鄧文迪與前英國首相貝利雅可能有染,盛怒之下,不動聲色,突然找律師辦離婚手續,殺鄧文迪一個措手不及,之後便安排接班人,提升兩個兒子在新聞集團管理層的地位與權力,可見這位83歲的老人家,頭腦仍然十分清晰。
梅鐸來自澳洲,對賽馬自然熟悉,但過往從未到過Churchill Downs睇打吡,今次何以出現?紐約時報(五月六日)長篇報導,梅鐸素來鳳凰無寶不落,這次坐私家飛機到馬場,原來係應肯特基州資淺(junior)共和黨參議員Rand Paul之邀,另一位肯州資深議員McConnell就與老布殊總統嘅國務卿Baker一齊。梅鐸嘅《華爾街日報》對呢位51歲參議員Rand Paul嘅國家安全立場批評不遺餘力,認為佢比較軟弱,在國際間不能維護美國利益,點解《華爾街日報》老闆梅鐸就願意老遠從紐約飛到馬場與Paul見面呢?兩個人除咗走出大看台,任人影相,故意俾全世界知道之外,還在廂房內叫其他人避開一陣,私自密斟二十分鐘,交心呀?
美國民主政治就是這樣的,Paul有競選總統野心,但民主黨有希拉莉與拜登,知名度遠勝Paul,美國自由派傳媒(如《紐約時報》)一定支持民主黨,故此Paul如果想在共和黨總統初選脫穎而出,挑戰希拉莉或拜登嘅話,一定要得到共和黨傳媒嘅支持,梅鐸係共和黨籍,佢嘅新聞集團擁有霍士電視、《華爾街日報》、《紐約郵報》,每次大選都支持共和黨候選人,Paul必須說服梅鐸爭取支持。最有趣的問題是梅鐸願意藉賽馬之便,與Paul正式「交心」,可見賽馬不是睇馬賭馬那麼簡單,而係佢有意揀蟀,面試Paul。以左丁山所知,不少生意都是在馬場廂房進行社交之後達成的,受重要名人邀請到馬場廂房或能夠邀請到重要名人到馬場,進行「私人交談」,係地位提升之象徵也!

左丁山

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載