› 選擇地區
三藩市
紐約
洛杉磯
其他美國地區
香港 台灣 北美
 
2014年10月30日

團結香港基金會 - 左丁山

前特首董建華推動成立嘅所謂智庫,定名為「團結香港基金會」(公司註冊名稱Our Hong Kong Foundation Limited),定於十一月十日舉行成立典禮!據介紹:
「團結香港基金會是一個非牟利民間組織,旨在集結本地、內地和國際精英,以香港整體和長遠利益為出發點,致力探索和研究香港短、中、長期發展的需要;從不同角度與層面,為香港特別行政區政府、公共服務機構及廣大市民提供多元化的公共政策分析和建議。基金會的研究範疇廣闊,包括經濟、金融、社會、政治、教育及環境保護等重大課題,冀能通過有系統的政策研究和相關活動,凝聚社會共識,為香港的和諧團結,經濟繁榮和持續發展作出貢獻。」
成立當日,呢個基金會在香港會議展覽中心4樓S42會議室舉行成立典禮(早上8:40-10:00),然後舉行論壇,主講人士有張信剛教授(前城大校長)、梁錦松(前財政司司長)、馮國經博士(經綸國際經濟研究院主席)、廖柏偉教授(中大全球經濟及金融研究所研究教授),主持人係王于漸(香港大學經濟學講座教授)。論壇主題係「香港:前景」,此外還有一位Lord Goldsmith, QC/前英國檢察總長(Attorney General)。
論壇演講陣容都幾猛,但以事論事,以今天嘅香港環境嚟講,王、張、馮、廖四位香港猛人,左丁山係識咗好耐,不過位位已經係花甲古稀之年,不再年青了,加埋「團結香港基金會」係董先生創立嘅,佢生於一九三七,對在金鐘瞓街嘅青年學生,根本係阿爺阿公級數,世代鴻溝就在眼前,真的是各自表述,你有你講,我有我睇手機。
五位主持及主講者學識過人,經驗豐富,其中三位係學者,連著名商人馮博士都係半個學者,因為佢在哈佛大學及中大教過MBA一輪吖嘛,學者好處係思想冷靜、有條理,做智囊就無得彈。可惜嘅係,董先生嘅基金會若然仍要倚賴十年前佢管治嘅班底幫手,對現任政權未免有啲「威脅」,政治上唔多啱聽噃,再者,香港目前最大一批人口係45-55歲嘅中年人,正在take-over(接管)香港財經工商界,佢地會唔會聽60幾歲嘅人士指指點點呢?人數較少,但將來香港係佢地世界嘅20-40歲人士與60歲以上嘅更有啲格格不入,思想與思維完全不同。左丁山認為香港前景繫於50歲甚至40歲以下人士能有更大發言權,香港前景係佢地嘅前景,唔係60歲以上人士嘅前景呢!

左丁山

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載