› 選擇地區
三藩市
紐約
洛杉磯
其他美國地區
香港 台灣 北美
 
2018年05月19日

香港中學生揚威科創大賽 - 左丁山

青雲路圖片

最近談香港STEM教育,有朋友潑冷水,他說:「香港家長鼓勵學生讀STEM也沒有用,兒女考入大學後,便不鼓勵兒女申請工程和純理科,最後還是入了商學院或醫學院,沒有選擇下才會報讀理工科。香港特區政府要推動創新科技,振興STEM。第一要務是教育家長!」畢業後搵到份好工最現實,不妨講清楚,現時銀行最想到工學院請人,希望請到一啲資訊系統、金融科技、AI投資自動化等等人才。上月左丁山應邀到一間大型歐洲銀行嘅九龍總部參觀數碼金融中心,內裏之電腦自動化設施,令左丁山呢類40年前入行嘅銀行見習生,完全想像唔到,左丁山儍儍地問:「讀商科嘅叻仔叻女識唔識運用呢啲硬件軟件呀?」主持人只係一句:「我地銀行好缺工程學院嘅畢業生,唔該你介紹,商科畢業生就多得滯嘞!」
根據一位校長講,中學生之中,資優生原來並非最熱心STEM研究及創新,佢地只係希望考試成績好啫,反而一啲成績不過不失,但好有一股熱情熱心嘅學生最傾情於創新,呢位校長講:「順德聯誼總會胡兆熾中學不算頂尖名校,但該校參加科創大賽,屢獲佳績。」胡兆熾,老牌富商也,胡關李羅律師樓名震中環,胡便是胡寳星,便是胡家傳人,胡兆熾中學應該係佢地家族捐款成立嘅。胡兆熾中學有位校長廖萬里,中大聯合書院1996年電腦工程畢業生,在校內推動科創不遺餘力,今年胡兆熾中學獲國際InfoMatrix(國際資訊及通訊科技大賽)邀請,成為國際合作伙伴及香港區統籌單位,於是廖萬里校長除組織本港學生參加外,更組織內地學生首次參賽,合共組成一個大中華區代表隊,一共14位港生,12位內地生,於5月9日出發往羅馬尼亞比賽,與46個國家及500幾位中學生比拼。5月10日至13日,比賽在布加勒斯特舉行,結果大中華代表隊勇奪7金5銀4銅,成為大會總冠軍,揚威世界,其中香港學生勇奪5金3銀2銅,更加威風。香港生來自胡兆熾中學、伯裘書院及翁祐中學,翁祐就是創科局局長楊偉雄嘅外父,楊局長會唔會畀番啲獎勵呀?香港中學生在電腦硬件系統開發、電腦短片、Apps開發方面都取得金獎銀獎,證明香港中學不是沒有科創人才,問題是如何培育而已。

左丁山

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載