› 選擇地區
三藩市
紐約
洛杉磯
其他美國地區
香港 台灣 北美
 
2018年09月20日

917返工林鄭失策 - 左丁山

上星期日暴風晚上,已知全港交通要道皆有樹木倒下,阻塞道路交通及東鐵沿線,九巴港鐵皆事先宣報不能恢復全面服務。科技大學朋友率先傳來科大在9月17日停工停課的新聞,並附圖片,知道科大校園內一條通道似發生北海道式地震,路面裂開,情況嚴重。
不久之後,教大宣佈停工,繼而中大、浸大、城大、理大相繼宣佈停工停課,最後港大亦從眾。左丁山當時向大編輯傳短訊,既然917星期一全港大中小學幼稚園皆停課,可否問政府,星期一放緊急假期一天?左丁山當時認為,既然全港在暴風雨過後,道路交通系統大混亂,清理需時,如白領藍領全部返工,交通必然大亂,市民怨聲載道,最後會大罵林鄭月娥出氣,林鄭如有政治觸覺,理應明白此點,不宣佈放一日假也要放半日吧?
偏偏政府就是「堅離地」,星期一六時左右宣佈8號風球改3號,全港打工仔急忙起床,湧出家門,於是沙田大圍火車站擠滿數以千計候車乘客,無法上車,於是媽聲四起;工程師A來短訊,佢及早由馬鞍山方向入大埔地盤,到了九時,五六十名工人只有七、八位露面,其餘皆無法上車,或塞車於路中。工程B則說他七時前已往大埔沿途巡視,吐露港公路到處是樹木阻路,清理需時,沙田馬會對開公路有大樹倒下,往大埔大塞車,拖累火炭往中大交通擠塞,好彩中文大學一早宣佈停工停課箒,有先見之明吖嘛。返中環灣仔老友記無不匯報交通嚴重擠塞。
到處塞車即是對消防局/食環署的清理路面工作受到大大障礙,如果大家唔駛返工,在星期一集中清理路面,大家好辦事啦!李家超局長打風前召開跨部門工作會議,振振有詞,樣樣下達指示,結果乜嘢措施都難敵大自然威力,而事後人為清理工作,就完全無計劃,令全港受塞車阻礙,時間金錢損失嚴重。
大編輯話香港係商業社會,林鄭特首未必想阻止正常運作。香港當然係商業社會,但日常商業運作如受交通障礙,僱員難返工(其實返得到都已經好攰,失去大部份生產力),商業機構停開工一日,亦無多大損失。喺星期一,據左丁山所知,有好多公司開會都已叫停啦,你估大老闆及高管又可以順利返到公司咩?林鄭如一早宣佈星期一停工,必然民望大升;唔講喎,畀市民大罵就係後果囉,商界都唔like呀!

左丁山
電郵 :
mcwriter@appledaily.com

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載