› 選擇地區
三藩市
紐約
洛杉磯
其他美國地區
香港 台灣 北美
 
2019年05月26日

有人講大話 - 左丁山

引用俗語「醜婦終須見家翁」,唔知會唔會畀人話係歧視女性,大家都知道呢句話點解,但冇人知道出處,寫稿未必要字字政治正確嘅,但見到有愛國婦女團體(用最新定義就是聽黨話、跟黨走,不許有自由的精神及獨立的思想。)賣廣告要求平機會追究有人講「八婆」呢兩個字,都幾驚㗎,愛國婦女發起狠厲嚟,你估講笑呀。自二月中講修訂逃犯條例開始,有人話好心急,香港不能成為涉嫌疑犯逃犯罪天堂,要立法趕快將疑犯送交台灣,點知修訂法案寫得唔周全,疑點重重,畀商界及文化界踢爆之後,不堪刺激,卒之「見家翁」,露出真面目,由西環直接指揮建制派,喝令歸邊,於是連最初口硬嘅自由黨鍾國斌都轉咗口風,又係嗰句,搵食啫,看風駛 𢃇本是平常事!但林鄭李家超有港澳辦中聯辦壯膽後,立即話修訂條例在六月十二日繞過立法會法案委員會審查,直上立法會,靠人多蝦人少,一有爭議立即投票,如大石砸死蟹般,在七月立法會休會前通過修訂條例,向北京交心,完成任務。

呢次修例,好似係因為香港人在台灣殺人而來,過往特區政府「鴕鳥」二十年,冇堵塞漏洞喎,起初左丁山都以為係,點知新聞網站眾新聞有一位作者尹瑞麟在5月10日發表了一篇「《逃犯條例》修訂的前世今生─ ─特區政府沒告訴市民的事實」,內裏引用內地法律學者馬正楠博士(曾任職中聯辦、港澳辦及中央組織部)與另一位中國人民大學教授高銘喧共同發表於2011年1月號內地法律刊物「法學家」嘅論文,題為「論香港與內地移交逃犯的先例模式」,就提及1999年3月、8月、11月,2000年3月,內地與香港法律專家組就逃犯移交進行了四輪會談,深入討論。還有一位武漢大學法學院研究生柯良棟在「法學家」(2008年第四期)發表論文,講及2007年10月,中國警察協會,香港警務處承辦一個研討會上,柯良棟就國際逃犯問題提交了報告。2010年10月,保安局局長李少光訪問北京與公安部長孟建柱、最高人民法院副院長張軍會面,雙方表示爭取盡早簽署逃犯移交安排協議。

於呢兩篇文章可見,特區政府並非鴕鳥20年,完全不理會逃犯移交問題。林鄭、李家超、鄭若驊瞪大眼講,修訂逃犯條例係源於台灣命案,目的為堵塞漏洞!

尹瑞麟文章揭露詳細,我地要問一句,香港有冇人講大話!

左丁山
電郵 :
mcwriter@appledaily.com

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載