› 選擇地區
三藩市
紐約
洛杉磯
其他美國地區
香港 台灣 北美
 
2019年09月23日

撐港台反港台 - 左丁山

change.org圖片

長輩S在陸羽請飲茶,與大家吹水個多小時,臨別之際,名嘴N問長輩S:「S先生經歷過三年零八個月,國共內戰,1949年上海人將不少財富轉移到香港,之後又有1956年、1966、1967暴動,見識親歷銀行擠提,1982年佳寧及中英談判風暴以及有1987年大股災,1997年回歸金融風暴,以至2003年沙士,2008年金融海嘯,你都安樂度過,生意愈發壯大,已是身經百戰,對今次反修例運動又點睇呢?如何終局?」長輩S講得含蓄:「呢次我真係唔識睇,唔敢講。」

老前輩都話唔識睇,我哋仲有乜好講,純熟個人猜測而已,大家都留意到大公文匯少咗報道中聯辦主任王志民之談話,又冇乜見王志民上頭版,皆猜測王志民與港澳辦主任張曉明有失勢迹象,對中央另有人(趙克志?)已實際上暫管香港事務,對香港是硬是柔,還未可知。江青四人幫到了1976年3月,還是意氣風發到極點嘅呢,當時中文大學學生會還組織學生團到深圳學習深入批林批孔批鄧呀。

離開陸羽,收到藍絲轉發短訊,內容反香港電台:「大家響應屈女士的呼籲,簽名檢舉RTHK,取回香港人話語權,屈女士要求十萬個簽名,我將她提升到一百萬,試試看香港人能不能齊心協力做番一齣好戲啦!」

HKG報與幫港出聲攜手發起十萬簽名檢舉港台,撥亂反正,改邪歸正,屈穎妍簽咗啦。嘩,咁都得,藍絲真係驚怕港台驚到出汁,但實際上不知如何奪回港台,撥亂反正?

在戲院里一路行,一路睇WhatsApp之際,嘟一聲又有新短訊,竟然係與藍絲對着幹嘅訊息,來自黃絲群組:「全力支持香港電台,一直秉持編輯自主,新聞節目不偏不倚,不為政府喉舌,不受商業影響,但為市民發聲。」(來自change.org),呼籲港台之友簽名撐港台,目標係150000個,目前已有90000多個簽名,不斷有人加入,睇嚟會人多過屈穎妍之呼籲。呢場香港市民簽名戰,撐港台還是反港台,從中可以看出民意。左丁山素來認為RTHK報道新聞十分專業,不會弄虛作假或作大,純屬以事論事,但建制派二十幾年來就是針對港台,看不順眼,97年之後,特區政府對港台,看不順眼,歷任特首對抑制港台發展,絕不手下留情,點解到目前冇法子降服港台呢?原因係港英傳統,政府不能隨意開除公務員,廣播署長不能任意趕走屬公務員嘅新聞節目部人員。如搞甚麼「撥亂反正」,就等於徹底破壞公務員制度,林鄭政府會為此付出沉重代價。

左丁山
電郵 :
mcwriter@appledaily.com

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載