› 選擇地區
三藩市
紐約
洛杉磯
其他美國地區
香港 台灣 北美
 
2012年10月22日

選民做錯啲乜啊? - 曾志豪

我記得,當劉江牙在超級區議會選舉「甩牙」時,譚耀宗還神色凝重,以「折戟沉沙」的悲壯宣布民記痛失「議會重炮手」。誰知真正是「牙骨未寒」,江山代有「勞才」出(勞心勞力的人才),民記已經出現神級新人,掌厲魂。
掌厲魂短短一周,兩大金句,縱是劉江牙未走,也是望塵莫及。
「吳克儉做錯啲乜啊?」呢句實在鏗鏘有力。
金句應用範圍廣泛,例如學校見家長,家長厲魂擺出「大惑不解+委屈」姿態:「我真係唔明,遲到咪遲到囉,你話罰抄咪罰抄囉,留堂咪留堂囉,你駛唔駛要見家長啊!我囝囝做錯啲乜啊?」
只嘆當日毓民質問她五星紅旗的意思時,掌厲魂未練成此「做錯啲乜神功」,否則已能激烈回應:「我真係唔明,唔識咪唔識囉,答錯咪答錯囉,扮愛國咪扮愛國囉,你駛唔駛咁樣笑我啊?我做錯啲乜啊?」
葉太作為上一代「寸嘴女炮手」,如果早得厲魂親傳,23條何須下台?「你話魔鬼在細節咪在細節囉,你話要白紙草案咪白紙草案囉,你話要撤回咪撤回囉,但你駛唔駛要炒咗我啊?我做錯啲乜啊?」
厲魂另一金句,實在只能用「有今生無來世+神奇頂級超卓」形容:「我地民建聯議員,唔出聲,好謙厚」。我記得《鹿鼎記》有一回,韋小寶對康熙說:「奴才心裏只有一個忠字,忠君愛國,忠臣不怕死,怕死不忠臣,還有忠厚老實」,康熙道:「你如忠厚老實,天下就沒一個刁頑狡猾之徒了。」
我實在很想原裝照搬康熙的答案:如果你們謙厚,天下就沒有一個刁頑狡猾之徒了!
這幾天網上瘋傳,都想問上帝一個問題﹕究竟九龍西的選民做錯甚麼?要硬啃兩位九西議員,厲魂尾昏呢?

曾志豪

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載