› 選擇地區
三藩市
紐約
洛杉磯
其他美國地區
香港 台灣 北美
 
2013年06月04日

記協棟篤笑 - 曾志豪

第三年參加記協的晚會,表演棟篤笑。每年都感慨,何以又有許多笑料可寫,證明香港每年鑊鑊新鮮鑊鑊甘。
這次《頭條新聞》小豪子加太后吳志森加羅啟新,三男演出,精彩內容,摘要送上──
各位,第三間免費電視台牌照,其實已經好低調發出,叫「大清電視台」。
香港人無啖好食,淨係可以睇住人食,所以一定要有飲食節目,《家是熱廚房》。
「低調扣玉峰」,呢味餸最緊要耐性,隻玉峰買返嚟,要等兩年先扣得。
返大陸採訪嘅記者,最怕一味菜,「入鄉隨俗,拳拳到肉」。呢味餸普通廚師唔識,要國寶先煮到。
高層最愛請記者飲「新聞審茶」,此茶性苦味甘好難啃。
香港人鍾意煲劇,日劇《悠長假期行會版》,木村奮強主演,竹野震遠辭演。
《道歉不離三兄弟》,漢波茂波振英哥個個鬥多。
宮廷劇,專講奴才出賣主人的消息,《金枝綠葉之Plan B》。
江湖傳聞,港台員工,入職要接受視力檢查。員工望住啲光,唔准眨眼擰頭,睇你可以忍光忍幾耐。可唔可以忍到永遠?Sorry,「忍光」係忍唔到「永遠」。
無視新聞,專門無視啲新聞。皇牌節目,《新聞透明》,當新聞透明。
電視台最好落戶數碼港啦,嗰度有晒處理經營困難公司嘅經驗,無論你係交唔起租,定係股東唔肯再注資俾你,職員一定可以幫到你。
數碼港無咗商交所,可以用「大中華交易所」代替,CEO一於搵「大中華交」謝志峰。
交易所專門進行港膠、左膠、社運膠同埋絕交嘅買賣,咁濫膠,戶外直播室,一定要去「大濫膠野公園」。
記協主題係「企硬」,可以送埋俾支聯會,因為佢地立場企得唔夠硬。
做記者就算俾人話膠,都要做一塊硬膠!企硬,搞記者,衰硬!

曾志豪

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載