› 選擇地區
三藩市
紐約
洛杉磯
其他美國地區
香港 台灣 北美
 
2013年12月17日

政改是「麗晶大賓館」 - 曾志豪

政改對香港人而言,是甚麼東西?我們的處境,應如何形容?
答案:周星馳《國產凌凌漆》。
我們以為得到的是世界公認普及而平等的選舉,以為係有好多鬼妹的「麗晶大酒店」;點知,仆佢個X,亞視嚟嘅……Sorry,今次唔關亞視事,原來個普選係西選嚟嘅!即係,麗晶大賓館!
咁麗晶大賓館,有乜唔好?你諗吓星爺嘅遭遇,「有無陀地?」「有。」「你做乜啊?」「除褲囉。」「點解要咁做呢?」「你話要陀地㗎嘛,我呢區起晒朵㗎啦。」
各位師兄!西選的下場,便是我們以為有得揀,點知俾咗個「呢區起晒朵」嘅陀地如花我哋揀啊﹗
你以為唔要陀地,揀返北姑會唔會好啲呢?咪傻啦,北姑咪又係李健仁扮!
最糟糕的是,如果星爺想彈鐘,唔要如花,阿爺或其代理人,例如林煥光,便會走出來說,「政改是重要議題,大家可發表意見,但不應像街市買菜般,討價還價。」
講笑嗎?政府明明說政改「有商有量」,但卻不許我們「討價還價」?
請問林Sir,如何做到「有商有量」但又不會「討價還價」呢?「有商有量」和「討價還價」之間,是否有很大的空間?
即是星爺,可以和如花「商量」要北姑還是陀地,但當發現兩個都係李健仁扮演,卻又不能「討價還價」,只能照單全收。那這種不是「有商有量」,是人質和綁匪傾贖金,最多叫「求情」。
「討價還價」的至高境界,便是「唔買」,顧客掉頭走,商販便會追出來,大幅讓步。但可惜,政改講價,我們不能講「唔買」,不合心意都一定要買;你想想,一個肯定會幫襯你的顧客,還有幾多講價空間?店大欺客,講完。

曾志豪

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載