› 選擇地區
三藩市
紐約
洛杉磯
其他美國地區
香港 台灣 北美
 
2014年01月07日

對不起,無法生日本的氣 - 曾志豪

同一個中華民族,安倍晉三參拜靖國神社事件,完全不同反應。
大陸同胞赴日人數劇減,安倍拜鬼,國人憤怒(雖然夜晚返去都係睇蒼井空老師)。
同一時間,香港新春報日本團全線爆棚,豪華日本團六萬幾蚊,一樣爆滿。
同一個世界同一個國家,但Sorry我們發不同的夢。
主流說法,一定是「香港人比大陸人務實理性,不會泛政治化,不會上綱上線,香港人不會把政治怒火燒到無辜的日本民間。」
很有道理啊,大陸人太野蠻了,不理性思考……且慢,怎麼在菲律賓人質事件上,我卻看不到香港人的「理性」呢?
菲律賓人質慘劇,阿基諾三世的冷血微笑,拒不道歉的傲慢態度,激怒香港人;當時幾多鍵盤鬥士怒吼「炒X晒屋企啲菲傭!遣返菲律賓!禁止輸入外傭!罷買菲貨!唔食『地乜牌』菠蘿!罷去菲律賓旅行!經濟制裁!」
香港人覺得理所當然,卻沒有香港人拿出對日本人的理性冷靜,呼籲大家停手?我們應當說:「係菲律賓政府衰,都唔關菲律賓人民事,更加唔關菲傭事,你話炒菲傭係好唔理性係上綱上線!罷買菲貨?你簡直係民族主義上腦!」
菲律賓早前受天災影響,人質事件未解決,慈善團體都說,募捐難度較大。香港市民理直氣壯:真係捐唔落手呢。
但如果誰在日本三一一地震時,說同樣的話,「日本仲未道歉喎,真係唔抵幫」,保證死得很難看。
所以香港人的「克制」並非全部出於「理性」,而是「唔到肉」。日本侵華軍國主義實在太遙遠都未出世,有咩好譴責?但日本嘅壽司真係好好味,AV真係好好睇……Sorry,嬲日本唔落,日圓又跌,正啊去掃貨啦!

曾志豪

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載