蘋果日報 | APPLE DAILY
› 選擇地區
三藩市
紐約
洛杉磯
其他美國地區
2014年07月09日
馬上成為壹會員

如果梁太個女遊行被警方拉咗 - 曾志豪

「我想講俾大家知,無論我個女,嗌了甚麼口號,你話佢犯咗咩公安法,佢永遠都是我……都是我心愛的女,我係永遠永遠都咁支持佢。」
「我在這裏衷心呼籲,懇請歸咗邊、受咗勳嘅傳媒朋友、收咗五毛或者毛都收唔到一條嘅網上朋友;以學術以宗教以幫港以家長為名行邪惡事的社會各界人士,請你們給一些空間我個女,佢現在實在需要一個寧靜同自由環境」。
「這純粹是自己的一件家事,與《環球時報》同《人民日報》無關,我真的好希望爭普選這一件事能夠到今年就成功。我希望各位不要再騷擾我個女,不要再作這件事,話佢同啲遊行人士行出嚟唔係全部爭普選,而改動任何報紙嘅版面標題。」
「我對有不負責任的警察高層,予以強烈譴責,極之憤慨和遺憾。呢啲高層,自己在傳媒散播片面訊息,妄自肆意,用涼薄、刻毒的說話,作惡意批評。例如話我個女同遊行人士係『尋釁滋事』,告遊行開車嘅司機『停車不熄匙』,仲要告嗰啲喺條街慢慢行嘅普選毅行者係非法集會。恕我直言,警察高層呢啲行為,不但顯露他的淺薄,無知,而且冷血涼薄。」
「當我知道社會上有人抹黑遊行人士,例如叫佢地不如遊行帶埋菲傭、唔好出咁多聲,要做沉默的羔羊等等嘅廢話,原來是一位主教時,我不禁倒抽一口涼氣,我實在為一眾莘莘教徒,有這樣,所謂一位主教,(我忍不住要雙手舉起食指作引號狀)覺得擔憂。」
「正所謂虎毒不食兒,但警犬竟然會反咬自己呢個城市真正要保護嘅主人!我想問警察一句說話,假如俾人搣臉屈手腕無理拘捕嗰個係你嘅仔女,你還會下如此毒手嗎?」

曾志豪

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載