› 選擇地區
三藩市
紐約
洛杉磯
其他美國地區
香港 台灣 北美
 
2014年08月09日

三個反佔中的夜場故事 - 曾志豪

(一):「老細有咩幫襯?」「搵小姐囉。」
「愛和平。」「乜料啊?邊有男人愛平㗎!我要巨乳!」
「老細,新規矩,我講愛和平,你要講到下一句,先入得嚟幫襯。」「妖﹗咁講邊句啊?」
「反暴力。」「廢話!我一向都唔鍾意SM呢啲暴力性愛,係日本仔先鍾意又皮鞭又滴蠟﹗」
「我諗你理解錯咗反暴力嘅意思。」「點啊!究竟你做唔做生意㗎!我要搵囡囡啊﹗」
(二):「囡囡,一陣幫手派呢啲表格。」「媽咪,係咪年年驗身健康表格。」
「係反佔中表格。」「佔中?」
「係反佔中啊!」「係咪公司最新計鐘錢嘅規矩啊?我哋都有飯鐘錢?」
「囡囡,唔係食飯個飯,係反對個反,反對佔中﹗」「點解要反對佔中?關我哋咩事?」
「你唔好理,一陣客人嚟到,要佢簽咗名先可以開始玩。」「媽咪,如果要反,我寧願反呃鐘,反彈鐘,反揼波鐘。」
(三):「陳生,好耐唔嚟捧場,隨便坐。」「媽咪,快啲叫689嚟,我特登捧佢場。」
「陳生唔好咁心急,簽個名先。」「媽咪,唔係啩?我水都未飲,就叫我簽單?你驚我走數?」
「唔係簽單,係簽個名,反佔中啊。」「媽咪,我嚟搵囡囡,你就搵我笨,我做乜要簽反佔中?」
「你睇,保普選喎,好嘢嚟㗎。」「我最討厭政治,我要搵囡囡啊!」
「我哋個場最近搞咗個制服誘惑派對,客人一人一票,普選囡囡應該着邊件性感制服啊!」「咁正﹗梗係愈少布愈好啦!」
「你嘅一票好重要,保普選,你一定要支持,嚟啦,簽個名先啦。」「我簽反佔中,你係咪簽一打啤酒俾我先?」
「簽埋生果盤又點話啊!」

曾志豪

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載