› 選擇地區
三藩市
紐約
洛杉磯
其他美國地區
香港 台灣 北美
 
2016年08月26日

最難聽的選舉口號 - 曾志豪

(1)唔玩政治,只做實事
一個角逐立法會職位的候選人,居然可以大大聲話自己唔玩政治,等於一個足球教練大大聲話自己唔玩排陣唔玩戰術,要不便是你講大話,要不便是你無能,根本不知道這個崗位的職責要求。
但這個口號背後,其實反映民眾一廂情願的政治潔癖心態。民眾以為搞政治便是骯髒便是做show,相反做實事便是做到嘢,具體到爭取綠公仔停多兩秒便是實事。
選民應該識多一點點了,要做實事,也要玩政治,才能成功。政治和實事是政治人物的左右手,誰會大大聲話,不要自己一隻手呢?
(2)永續基本法
正確名稱應該是「自續基本法」,因為《基本法》實在沒有提過有「過期」這回事。「50年不變」不代表《基本法》去到2047便拜拜。我更想知道,續證手續如何辦?最怕是,去到2047,《基本法》正常運作,卻突然有人拉出橫額「成功爭取永續基本法」,威呢?
(3)一齊傾掂佢
N年前流行「又傾又砌」,如果不想被人砌,便傾吓啦。
今天又有人提出要「傾」,但連個「砌」都放棄,沒有砌的前提,如何說服人家和你傾呢?
還有,一齊傾掂的「一齊」,包唔包括北京?香港的問題,關鍵在於北京不肯和香港人傾,你要一齊傾,請先叫北京坐低傾。
還有,一齊傾掂佢,港獨可否傾先?
(4)贏返香港
超級唔吉利,之前垃圾桶局長仲係參選議員時,就係用「香港要贏」做主打,結果香港要贏,佢就要輸,而佢真係輸咗囉。後來佢平步青雲,成為街知巷聞的垃圾桶局長,這個際遇並非人人都有。今天又有參選人再玩「贏」的概念,就不怕人家說一句,要贏返香港,麻煩你先去輸嗎?

曾志豪

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載