› 選擇地區
三藩市
紐約
洛杉磯
其他美國地區
香港 台灣 北美
 
2013年01月14日

春意盎然 - 李碧華

那天不在港,沒即時欣賞到厲魂姐護狼之肉緊,不過稍遲網上除了正本還附贈九○年二人一齊主持港台《亞洲經驗》節目之疑似暗戀廿年情──睇戲睇全套,才明白一個人之所以失常失控,滿嘴歪理,亢奮激動,是受什麼折磨不能自拔。她為情所困盲目挺狼呀,大夥便有點同情了,即使黐黐地,也是浪漫小說的情節,即使大爆:「喺外面做嘢飛嚟飛去,啲男人連結婚紀念日都唔記得啦,何況係個花棚!」表面為狼之僭建開脫,潛台詞是希望他「忘記了結婚紀念日」吧?心理學家們研究一下。
一直覺得大眾不應將厲魂姐與元秋姐相提並論,人家元秋乃元家班師姐,又識功夫又識做戲,打麻雀又高章,實力派,並非言辭浮誇虛張聲勢。別談什麼東施效顰,反覺厲魂姐有種「痴纏」特質,其他人不及。類似嬌嗔:「見到英哥滴晒汗幫佢抹汗唧,如果咁都叫暗戀,上次我夠用獅吼功撐阿黑仔儉啦,唔通又暗戀佢咯囉……」──真有聲東擊西暗渡陳倉之少女情懷。黑仔儉都未戒奶,孌童癖咩?當然情迷大話精,情人眼裏也出雙眼皮。想不到議事廳春意盎然,為了娛樂觀眾,定要多些課外活動,好戲連場。

李碧華

精挑細味 籽想好食,即like「籽想好食」FB專頁!
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載