› 選擇地區
三藩市
紐約
洛杉磯
其他美國地區
香港 台灣 北美
 
2016年02月03日

怕下一個更差? - 李碧華

這13分鐘片段在網上瘋傳,是因為好多人覺得「眼冤」。飛佢啦!有點骨氣尊嚴好不好?過程其實很煩悶,三幅被,沒起承轉合亦無驚喜情節。
地鐵廣告燈箱下,人來人往眾目睽睽,一個高大巨霸女,攔住一個驚青奀瘦男,她要男友陪她,不准他返工,還搶了手機。男的初則忍讓,只是好𤷪:「唔返工邊度搵錢交租呀?捉X住我唔畀我返工做乜X嘢……」詞彙相當貧乏。
但當他重複說了幾十遍「唔返工邊度有錢交租呀」,悽厲慘叫後,大家深信他一定等這份糧交租,刻不容緩。
「我要生活,我要交租,我要返工,大帝,大小姐,想點呀,打機打機打機,我冇顧你,你有冇顧過我呀,成日陪你,發癲!用吓你個腦啦,係唔係唔使交租呀!邊個搵錢呀?」聲嘶力竭。後來被巨霸女推撞打罵還逼埋牆不准離開──實在是力求上進之鵪鶉苦命男。
怒吼那麼久,返工大過天,又等錢交租,明明可以趕着走,他仍與她無聊地糾纏下去,猜不透是被虐狂抑或自虐狂。
奀瘦男與昨天那廣告中,嫁錯懶返工庸男的阿英一樣,不走,雙方仍有點「感情」?還是怕下一個可能更差,好死不如賴活着?

李碧華

精挑細味 籽想好食,即like「籽想好食」FB專頁!
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載