› 選擇地區
三藩市
紐約
洛杉磯
其他美國地區
香港 台灣 北美
 
2010年08月31日

名模o靚模港姐(上) - 鄧達智

是名人娛樂版多謝名模o靚模港姐還是一眾有牌靚女感激媒體?
唇齒相依,就是天天監着我們讀周秀娜熊黛林JessicaC對奶飽到滯飽到有一種實況叫「跌watt」在所不計。評港姐係豬排總好過冇得見報,好好醜醜總之煙花開遍,靚女們須感激,大家關係雞與雞蛋。
一個書展將本來已經沉寂了的o靚模風氣泛起微波,秋生一句聽似負面話揚起三重浪,多謝秋生哥讓她們可持續性重生。
剛出席評委內地最大模特兒中介機構新絲路2010南方賽區比賽,很久沒見過讓自己激動近乎完美靚女;更是廣東中山土產,5呎10吋;馬詩慧的cool;Rosemary的艷,雙乳賽GiseleBundchen,似納奧美金寶年輕時後背冧腰位S線,只差一抹ChristyTurlington稀有的憂鬱。不過18歲比大部份o靚模年青比JessicaC警鐘胸更堅挺,最重要,她比賽前未做專業模特仍是個學生。大陸地大人多要上位選個美只是第一步,就是給你贏了仍然前路茫茫。
何似在香港,獎品多機會廣又有大公司百般維護,仍然選出CNN出位嘲笑的豬排港姐表示,1,香港靚女機會多,不放選美入眼內。2,邪牌出路更多,港姐評判一般以選新抱角度,出路太窄兼需扮正經(所以張舒雅至多人記認,第一她外形着實出眾,第二大小姐唔撈確實出位)。3,評判出事,年年找些議員你以為做政治show咩?評靚女不可能勝過立法會表現吧?更不可以用金牌靚女做評判,她們會全心全意毫無私心選比自己更正的港姐?儍嘅咩!海選時便應以唯一目標:靚!靚!靚!出發。智慧或日後做姐仔藝員?起點便犯大錯。今屆港姐其實一點不差,媒體起哄哄出個癮而已。你以為過去幾十屆港姐人人似朱玲玲張瑪莉高麗虹?張曼玉今天大紅大紫,未真正上位前何嘗沒評語:小家子氣?

鄧達智

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載