› 選擇地區
三藩市
紐約
洛杉磯
其他美國地區
香港 台灣 北美
 
2012年05月07日

三奶謝言 - 鄧達智

其實作為三奶,我真係好多謝啲媒體關注,錯愛,日日全版見報,Like到冇得傾!
基本上我無做過啲咩嘢,只不過曾經做小三,而家做ex三奶,中間溝過條仔係港男!
對社會無甚貢獻……也有,做三奶得恩客善款,掃貨,吃喝,Hea全都對社會經濟推一把。尤其最近,媒體一版一版更係港聞版報導同個死佬單官司,嘩幾日喎,買廣告唔知幾多錢呢;威到……班小三,小四,小五,六,七,八姊妹Call到我個電話爆咗,又羨慕又妒忌,當我係女神,係偶像;為唔知第幾奶界吐氣揚眉!
其實個死佬都應該多謝我,係咁意補返啲宣傳費……
緊係,唔係我,屎識佢係乜鞋王?廠佬一個之嘛,鞋王?全賴有我呢個三奶又有我溝條港男,唔係?上報,笑住咁俾人影相?唔使諗啊佢!
班姊妹唔知幾興奮,以為舊時,一係你老竇做賭王或者天王巨星;又或者係特首太,官太;再唔係做名模做靚模個名鎮日跟城城,黃曉明,林峯,陳冠希……戀埋一嚿。唔係一定自拍床照㗎,淨係個名,從來未一齊影過一張拍拖相都冇所謂㗎,反正媒體受(讀者早已悶到生銹)又幫到啲PR公司銀……你地睇以上一切身份,淨係做,或者做過三奶即名成利就。吓,唔知有冇公關公司嚟搵我剪綵呢?唔搵就笨啦;平,靚,正。記者影到手軟拎返報館,編輯肯定用,大家Happy幾咁Like啊!
舊時仲以為做三奶,雖然有錢使有玩有飲有食,幾乎……唔使做,不過始終有啲唔見得光唔見得人嘅味道。而家,唓!原來三奶可以做得咁架勢,真係多謝晒啲媒體。

鄧達智

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載