› 選擇地區
三藩市
紐約
洛杉磯
其他美國地區
香港 台灣 北美
 
2018年05月08日

上流社會下流人生 - 鄧達智

拍攝:鄧達智

港女A(手挽Coach手袋,操流利港式廣東話):你唔好咁樣兇我,西鐵車廂入面食串魚蛋,坐關愛座啫,又冇老弱傷病殘喺附近,個空位不坐白不坐,使死咩……?
港男(都係操流利港式廣東話):我兇你?只不過請你唔好喺西鐵車廂內食嘢,破壞人人尊重嘅規矩,我身邊有小朋友㗎,唔想佢有樣學樣……
港女:咩啊?你當我冇教育,低水平?
港男:有冇教育唔關我事,你就係低水平,同啲「每日一百五」無分彼此!
旁女(上身穿緊身桃紅色綉珠花上衣、下身緊繃得不可以再緊的豹紋七分褲):你說什麼?「每天一百五」?新移民不是人、肯定低端?周末我們回去東莞常平的家,香港政府配給的所謂公屋大小,連我們套房的洗手間都比不上,你們香港人過着這麼下流的生活還好意思批評別人低水平?
一直頭髮如烏雲蓋頂遮蓋整張臉及大部份上半身,坐在長椅一角,整個上半身挨着玻璃間隔與扶手;不知熟睡、還是死屍港女B(手挽粉紅色Chanel手袋):八婆,你仲好意思講嘢?就係你地呢啲從來對香港未貢獻過,落到嚟又公屋、又綜援、又醫療、又教育……乜都優先兼免費,仲係度咁大聲講風涼話?返鄉下啦你!難為我地港人供間豆膶大細私樓,兩公婆四份工,仔女唔敢生,連瞓覺都利用乘搭西鐵時間。政府無能,專攻擊中產小巿民,我們得到什麼?捱!捱!捱!捱餐死,就為提供你們方便之門,收嗲啦八婆,返上去你嘅東莞常平啦,點解仲喺香港住公屋,做人人厭惡嘅低端人口?
港女A面向港男:你估我想坐關愛座?想當眾食魚蛋?冇時間啊哥仔,兩個人連婚都唔敢結,死慳死扺,留夠首期,冇海景兼至細「海之戀」單位,今年九月收樓,左借右借,做幾份Part Time,只為不想欠發展商,揹貴利息;為咗繼續做全世界樓價至貴嘅香港人,做到攰死,連一餐正正經經都冇得食,無奈坐關愛座急急食兩串魚蛋,竟然被歧視……好心啦!可憐吓啦!

鄧達智

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載