› 選擇地區
三藩市
紐約
洛杉磯
其他美國地區
香港 台灣 北美
 
2008年12月24日

平安夜vs中年危機 - 陳也

這個平安夜,既然你冇街去,不妨測試一下,自己是不是中年危機一族。試答下列問題,「是」多,恐怕閣下早晚出事。
一、你已經不關心平安夜的失身或者事後避孕的數字,覺得事不關己。
二、冬至被迫無鮮雞食,你囉囉攣周身唔聚財,唔自然過聖誕冇聖誕大餐落肚。
三、你無睇電視很久很久了,還以為ATV早已經摺埋,對上一位大老闆是邱德根。
四、你最想收到的聖誕禮物不是任天堂遊戲而是崇光購物禮券。
五、這個假期,你plan好的節目無半個party,全部是雀局。
六、你有出門恐懼症,當其他人湧去日本滑雪時,你連過澳門都驚驚青青去唔成。
七、雖然有免費戲票睇《梅蘭芳》但你寧願一條友捧《荒失失奇兵2》早場。
八、你擔心明年經濟,相信起碼到2017回歸廿周年才出現轉機。
九、你睇晒牛年預測,除了背熟周慧敏幾時生仔還幫埋BB改名,叫做倪特首。

陳也

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載