› 選擇地區
三藩市
紐約
洛杉磯
其他美國地區
香港 台灣 北美
 
2013年02月02日

有水食,冇奶嘔 - 陳也

既然不是選舉季節,禮義廉無意做粉王,用美贊臣洗樓箍票,實在遺憾。政府落後澳門三條街,現在上門派粉都難撳低港媽怒火。
奶粉荒凸顯了政府有病,以背靠中國自豪、吹噓執政集團進步無私的西環契仔(或契弟,whatever)無力邀功,是因為全民瘋搶的奶品全是舶來貨,契仔沒阿爺撐腰,即時廢武功。沒有共產黨就冇水食,係,soundbite夠勁,只不過,病態社會靠晒阿爺和他欽點的金毛強睇場,只消出一點岔,像這次暴搶奶粉,習慣了向阿爺伸手的香港仔,自理能力降至幼嬰水平。甘心做乖孫甚至龜孫的回報,非常可恥,連初生嬰兒奶粉都頴不到,叫香港人指望政府務實為民?寄望狼隊穩中求變?依然大讚狼凸適度有為的政治掮客,一係妄想症入心入肺,一係當市民是末期病人,呃得就呃,睇死你冇仇報!預咗你冇奶嘔!
一罐難求,全城盡搶,有人呼籲劫奶濟貧,水貨客被當街搶掠的可能性甚高。奶粉黑客亦打算圍剿囤貨商號,爆倉行動不日上映。齊心餵人奶!空罐扔梁粉!

陳也

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載