› 選擇地區
三藩市
紐約
洛杉磯
其他美國地區
香港 台灣 北美
 
2013年02月28日

歷史十年一閏 - 陳也

政府出辣招,市民有沒有被辣着?去環頭環尾任何一家茶餐廳收收風就能急市民得急。
茶客甲食住漲價三成的豬扒包,財經演員上身詳細分析:「慌死執輸即刻標出來撐政府的地產商擺到明攝位,食住上。地產霸權,千秋萬代,今次只係換湯唔換藥,由李氏力場變鄭家大屋。假如兩邊聯手起樓,名正言順,叫做李鄭屋村。」
師奶豪飲兩杯絲襪奶茶後追問:「係咪樓價會撐硬,唔會塌?」
留長尾指甲的侍應阿叔搶白:「睇狼營團隊個勢,似足當年老懵董的夢幻組合,隨時重演八萬五大災難,唔係嚇你!」
食客聞董色變,餐廳dead air廿秒後,有人說要先走,將手上的細價單位盡快放盤。有人用放大鏡睇狼英的面相,研究他是否福建中國人。沙士十年,市民危疾意識倒跌回零,更加忘記負資產係乜。英國已爆出新沙士,狼凸此際跟老董數碼合體,北京陰霾不散,歷史,會十年一閏嗎?

陳也

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載