› 選擇地區
三藩市
紐約
洛杉磯
其他美國地區
香港 台灣 北美
 
2014年10月04日

梁振英嗅不到炒魷味 - 陳也

是因為:一,已經綑綁林鄭、黎棟、曾雄同坐一條船,現場是南丫四號,一件救生衣都無,無可能攬住一齊死,唯有組四人幫,互相包庇。
二,打電話去香港電台第五台哭訴,928警方擲87枚催淚彈當晚,紅隧塞車四小時,佔鐘累她見不到癌病媳婦最後一面的大媽容姐,演技拍得住張融。這類A貨催淚韓劇會愈演愈烈。撐梁振英的主流大部份是羅飯葉瘤之類的大媽,再加N個容姐,好戲連場,梁營這個戲班,等緊走埠登台,班主試問點會落台呀。
三,香港人創造雨傘革命,可是,人人得把遮,有雨,真係唔擔?有子彈,真係唔避?務實的香港人,唔會厚多士到這個地步。
四,英國踢爆港警買催淚彈的交易,梁振英最清楚盤數,查實鬼佬催淚彈已經清倉,未來最低的武力,得國貨子彈!
五,戴住保鮮紙眼罩的人請梁振英下台,梁女lol幫狼父反擊:你們奉獻一生給馬路罷啦!唔高興,𠝹手啦笨!

陳也

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載