› 選擇地區
三藩市
紐約
洛杉磯
其他美國地區
香港 台灣 北美
 
2014年12月10日

聖誕鳩嗚乜乜乜 - 陳也

聖誕近了,有心人將香港的「迎賓實錄」recap in English,等全世界旅客(不包括內地大媽)看清楚,香港到底有幾好客,劉華抑或許sir乜乜乜多粉絲些。
在旺角行人路window shopping,差佬會大喝「行快X些!」遊客如果用唔鹹唔淡廣東話搭嘴:「我來鳩嗚」,會被揪出拉去後巷「做低」。許sir語重心長將旺角列為「高危」,想使錢的遊客,欲移玉步去北角,喔,等等,係咪想佔北?遊客都冇情講,一樣警棍和粗口侍候!那幾個打人打到癲的特區洋警察,唔會輸蝕得過墨西哥黑警、埃及和美國喪警!
馬尼拉因為一個魔警門多薩,香港康泰旅行團全車被挾持,傷亡慘重。門多薩如果在香港,葉劉一定會替他開脫,說警隊連續工作N粒鐘已經壓力爆煲,殺人放火,有乜出奇!香港警察,就等梁振英一聲令下,清場時情緒大爆發,就可以合法開槍!遊客們,聽梁特首呼籲,聖誕濕平,如果遇着金、銅暴戾清場,記得盡情買你們的LV,必要時以LV擋住無眼的警棍,只要不是淘寶貨色,名店肯定會賠償的。預祝,撐一把傘,聖誕快樂。

陳也

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載