› 選擇地區
三藩市
紐約
洛杉磯
其他美國地區
香港 台灣 北美
 
2015年01月16日

端倪乜乜乜 - 陳也

梁振英力插雨傘運動,說「睇到外國勢力的端倪」。大家認真檢討,端倪有冇你份。全港盡快搞端倪的花臣,市民自行提供端倪,唔使去差館自首,放上高登討論區交換吓情報:
一,去過匯豐銀行觀塘分行的師奶大媽,將過戶收據影印,證明自己冇鳩嗚,但有端倪,應該可以九折優先換新簇簇的廿蚊紙封利是。
二,過去三個月買過外國貨,哪怕只是一盒北海道鮮蛋或者泰國香米,都屬梁振英眼中外國勢力的端倪。請盡快擲出來,或者,徹底令它們擲得更遠、不存在。
三,一再剖白自己幾咁不捨得叮噹,閣下的端倪明顯得交關,就是唔愛中國,只愛日本國,更愛日元和AV。
四,開曼群島肯定是外國勢力,這樣,炒家大媽們盡快學超人咁,重組股票組合,長和換晒做馬雲嗰隻阿里爸爸。機不可失,優化端倪。
五,食緊榴槤全家等抽居屋的你,唔識端倪乜乜乜點解。吳克儉幫你唔到,等住補腦啦!

陳也

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載