› 選擇地區
三藩市
紐約
洛杉磯
其他美國地區
香港 台灣 北美
 
2015年01月20日

五歲,講呢啲 - 陳也

五歲小朋友在女廁警惕地問:「我長大後,差人叔叔在女廁暗角非禮我,點算?」收生果籃收到手軟的一哥,代言回應:「慈母摸吓,人之常情。」
五歲小朋友食住海鮮問:「我長大後,青少年軍總會仍然搵一隻龍蝦做總司令,會不會秋後算賬,告我食了她那隻車?」龍蝦個女代答:「我阿媽表裏不一,你不是她蝦腸裏的一條蟲,冇資格f×××她,留番俾我!」
五歲小朋友罰抄「我是中國人」689次,累極問:「點解老師說:『沒有香港人的』,我長大後,認自己是香港人的話,會不會被控分裂國家?」鄭左堂搶吳得掂支咪代答:「對付你們這種港獨煽動者,放棄等於益你!等我預告你知,公屋居屋,唔使旨意抽到,年青人,等住屈死一世劏房啦!」
五歲小朋友用雨傘擋住媽咪部iPhone 6 Plus問:「我長大後,照用媽咪的手機,唔買小米,算唔算外國勢力端倪?」葉劉答:「放長雙眼都睇到係!」
五歲小朋友問:「我長大後,香港死未?」林鄭答:「機不可失,我保證到時幫你搵番個黑盒!」

陳也

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載