› 選擇地區
三藩市
紐約
洛杉磯
其他美國地區
香港 台灣 北美
 
2015年05月12日

幫個仔娶隻鵝做老婆 - 陳也

街頭簽名又來發水篤數了,老婆阿爺揀,一定要得鴨。經過警方拘捕智障自閉者砌生豬肉事件後,市民經過發水簽名街站,都情不自禁地查看一下,有無街站大媽夾硬拉智障者落水,「迫簽迫鴨」呢?發水、篤數,已成為梁振英政府外判的新常態,大媽大叔爭住接街站兜搭工程,令人不無擔憂。弱勢人士,未能完整表達自己,卻被工程誤導,猛被游說,只要簽了名,發了水,就幫你娶老婆。鍾唔鍾意靚女?阿媽和阿爺幫到你喎。唔信?你睇睇姓吳那位亮星哥,說幾千年來都係咁,由阿媽幫個仔娶,唔,唔好,唔唔唔就生了吳家亮星哥了。唔使錄口供,辭不達意一樣得,簽個名就放你。
高官又得跟隨雞鴨鵝三人組落街站簽名,樂於被抽水,安心被禽流。除了心中富有的曾財爺,其他高官副局都有泛民自閉症,不過呃唔到年薪比他們低、智商比他們高的年青人。街站大媽鴨鴨聲,路人回敬2017柒柒聲,忍唔住笑的梁振英,幾時幫個仔揀隻鵝做老婆?

陳也

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載