› 選擇地區
三藩市
紐約
洛杉磯
其他美國地區
香港 台灣 北美
 
2015年05月14日

呃學生,未講完! - 陳也

呃細路,講完!呃學生,未講完!
街站發水簽名呃鬼,願篤上釣。但是,呃一班送上門、深信有咁筍、食宿全包21日遊學美國團的細路,呃到擺上網,借細路過橋照字宣讀撐政改,這樣,比姓周那條友,呃得更…咩!不止呃細路,是呃未來的「社會嘅工作者」!一代一代呃下去,昨日是長者,今日是中學生,下一步,社團呃K1仔,再下一步,陀B大肚婆都呃住先!
一路廣西,有錢買起西環張×明一支飲歌的土豪社團,「零團費」的陰謀被識穿前,有解放軍駐港部隊想以「打吓友誼波」呃中大學生。跟解放軍在校園聯誼?沈校長祖籍不是廣西吧!中大學生不落搭,撞了板,呃醫科生,又點?醫學會做過兩輪投票,結果都是大比數反對831方案。但有人不死心,再搞投票,前提是不准醫科生參與,零票!
呃細路!屈學生!阿媽幫你娶老婆!貌似珠姐的美孚13期大媽大讚「好精彩」!食過催淚彈捱過慈母棍的你,理解世界從來無咁筍。各位,戴定眼罩頭盔耳塞吧,講完。

陳也

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載