› 選擇地區
三藩市
紐約
洛杉磯
其他美國地區
香港 台灣 北美
 
2015年05月19日

冷凍831精蟲? - 陳也

泛民27票,只消拉到4+票,就可以通車…噢,不,高鐵一樣通不到車,但2017袋住先方案,有望落實。只是,這4+票,明碼實價講到明阿爺肯俾一億一票,始終冇泛民夠膽落袋。拿了一億,着草都唔掂。千秋萬代,永遠成為一億污點賤人。而拿了一億,樹大招風,被盛世強盜越境綁票,隨時倒蝕。
買票行不通,政府打算用民意打壓泛民,但民調忽然反彈,姓周那條友賴賬,指民調不代表七百萬市民,咁講,等於摑雞鴨鵝三禽組一大巴掌。路路不通之下,亂點ABC的法律學者,勸政府延期,叫停N部曲,待明年立法會洗牌重選,「西環幫」佔領十分之九議席後才再投票。這一着,明顯參考了雨傘運動的「破傘」策略,一直不動手,等佔領者內部分裂,互相殘殺,傘殘糧盡之時,才重兵清場。政治一天都嫌長,將831方案冷凍,等明年泛民被政府特工vote out晒,才再把831的精蟲解凍植入阿爺幫手揀定了的媳婦體內,萬事俱備,2017,一定生得!係咪咁筍呢?生?生乜先?

陳也

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載