› 選擇地區
三藩市
紐約
洛杉磯
其他美國地區
香港 台灣 北美
 
2015年06月27日

曾主席果斷吹雞 - 陳也

就在西環以夜茶迫令618事變的主謀,供出叛逆大計當日,座落鰂魚涌公園對開兩台「無法避雨亭」,在民建聯姓丁的區議員「惡搞」兩個月後,市民唔使眼冤,兩座石屎正式移除。廢墩議員出事,連廢墩爛亭都要送往堆填區,這種另類陪葬,益發顯示,中央必定要33個廢墩建制派埋單找數。
哭鬧上吊效用極微,建制陣營慌忙搵人食死貓,曾主席冷笑一聲,欣然擘嘴。主席唔配合31個走佬營友,淨係掛住WhatsApp通水,唔識嗌醒甚至趕走阿輝阿波和阿嫻,至令葉氏為首的等埋發叔肥皂劇爛尾!曾主席點解有豬唔食要食貓?一哥部隊歷史性走入議政堂佈陣,曾主席自知開壞先例,在破天荒的黃色警示下,不可思議的是,記者完全找不到警隊的足跡,一支警棍都見唔到。立法會內肯定地道處處,記者不是最愛「添鹽加醋」麼?萬一偵查出,塞滿催淚彈的議會地下秘道直通西環,哪還了得!曾主席果斷吹雞,28:8表決既不可追,一哥即時解除黃色任務,門常開那批號碼和cap帽隨即神速散隊。兵變政變以至翻版六七暴動都在曾主席掌握中化解於有形。葉劉哭了半日,想通了,夜晚不再扎醒,爭選特首她至好波,扭過梁凸卻依然通唔到曾主席坑渠,認命!攬住一齊,出局!

陳也

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載